Bo Naamansen ASIAQ-mi pisortanngussaaq

 

Ulloq 23. september 2015 Naalakkersuisut aalajangerput, cand. geom. Bo Naamansen ASIAQ-mi pisortatut atorfimmik neqeroorfigineqassasoq. Bo Naamansen ASIAQ-mi pisortatut atorfimmi piaarnerpaamik sulilissaaq.

Bo Naamansen sivisuumik ASIAQ-mi atorfeqarnikuuvoq, matuma ataani ASIAQ-p niuernermi suliassaqarfiata iluani aqutsisutut atorfiit arlallit suliffigisimallugit. Maannakkorpiaq nunap assinga tunngaviusoq pillugu suliaqarfiup iluani pilersaarusiami aqutsisutut atorfeqarpoq.

Aningaasaqarnermut, Aatsitassanut Nunannullu allanut Naalakkersuisoq Vittus Qujaukitsoq oqarpoq:
"Bo Naamansen ASIAQ-mi pisortatut nutaatut atorfinitsinneqarnissaanut aalajangerneq assut iluarisimaarpara. Pimoorussisuuvoq kiisalu ASIAQ-p iluani suliassaqarfinnik ilisimasaqarluarlunilu misilittagaqarluarluni. Siunissami suleqatigiilluarnissamut qilanaarpunga.”

ASIAQ-mi pisortatut atorfimmut qinnuteqartut 11-upput, taakkunani qinnuteqartut tallimat oqaloqatiginninnissamut aggersarneqarsimallutik.

ASIAQ pillugu paasissutissat annertunerusut uani nassaarisinnaavatit www.asiaq.gl 

Nuuk, ulloq 25. november 2015
Aningaasaqarnermut Naalakkersuisoqarfik

Attavigiuk: Tusagassiinermi ataqatigiissaarisoq Martin Christiansen mailimut: mchr@nanoq.gl