Filmiliornermut tapiissutaasartut millionimik ilapput

Aningaasanut Inatsit 2016 inatsisartunit akuerineqarneranut atatillugu, kalaallit filmiliariniartagaannut tapiissutit tunniunneqarsinnaasut ilaneqarput kr.1.883.000 miit kr.2.883.000 mut.

Naalakkersuisut filmiliornermut tapiisutigisartagai agguaanneqartarput pingaarnertut kalaallit filmiliariniagaannut oqaluttualianut filmilianut (filmiliat, oqaluttualianit filmiliat, filmit naatsuliat assigusullu) aamma filmit pisimasuinnik tunngavillit. Piffinni piginnaasaqarnerulernissaq ilisimasaqarnerulernissarlu immikkut sammisaavoq. Qinnuteqartunut piumasaqaataapput pikkorissuunissaq pimoorussilluni ingerlatsisuunissaq, nunatsinnilu najugaqavissuunissaq.
Nunatsinni filminik suliaqartup nunaniit avannarlerneersut imaluuniit nunaniit allaneersut suleqatigisinaavai. Tapiissutit agguaanneqartarput Kultureqarnermut Naalakkersuisumit.

Annertunerusumik paasisaqarusunnermi saaffigineqarsinnaavoq Immikkoortortami pisortaq Karl Davidsen, mail kdav@nanoq.gl oqa. +299 34 5000