Naalakkersuisut Siulittaasuat ullualunni napparsimasoq

Naalakkersuisut Siulittaasuat Kim Kielsen pilersaarutaasut malillugit marlunngornermi qitimigut annikitsumik suliaritippoq, taamalu ullualunni napparsimalluni. Naalakkersuisoq Knud Kristiansen Kim Kielsenip napparsimanerata nalaani Naalakkersuisunut Siulittaasuugallarpoq, imalu oqarpoq:

”Kim Kielsenip napparsimanera Inatsisartut Siulittaasoqarfiannut marlunngornermi ullaap tungaa ilisimatitsissutigineqarpoq. Kim Kielsenip napparsimanera pissutigalugu Inatsisartut ataatsimiinnerannut peqataasinnaannginnera tunngavigalugu ajuusaarutigeqaara takullugu Inatsisartunut ilaasortaq Ane Hansen, Inuit Ataqatigiit, Kim Kielsenip naalakkersuinermik suliaqarnerminik pingaartitsinngitsutut isikkunitsillugu Inatsisartut ataatsimiinneranni peqataannginneranik internetikkut inuit naapittarfianni nittarsaassimmat

Kim Kielsenip qitimigut suliaritereernermini ajunngilaq naatsorsuutigaaralu ullualuit qaangiuppata sulileqqissasoq."

 

Paasisaqarnerorusuttut attavigisinnaavaat Naalakkersuisunut Siulittaasuugallartoq Knud Kristian Naalakkersuisumut allatsi Jensine Berthelsen aqqutigalugu, oqarasuaat +299 34 54 50 imaluunniit e-mail jebe@nanoq.gl.