Ironbark pillugu innuttaasunik ataatsimiititsinissat

Ironbark pillugu innuttaasunik ataatsimiititsinissat, 21.-23. november 2015

Ironbark Zinc Limited-ip Citronen Fjord-imi Zinkimik aamma Aqerlumik peqarfimmi piiaanissamik qinnuteqaataanut tunngatillugu Naalakkersuisut innuttaasunik ataatsimiisitsinissanut ulluni 21.- 23. novemberimi pisussanut tamanut aggersaapput.

Tamanut ataatsimiititsinerit ulluni sumiiffinnilu makkunani ingerlanneqassapput:

Ulloq  Piffissaq  Najugaqarfik  Sumiiffik 
21. nov.  11.00 - 14.00  Kangerlussuaq  Hotel Kangerlussuup Ataatsimiittarfik 
21. nov.  16.00 - 19.00     Sisimiut  Sanaartornermut Ilinniarfiup Auditoriaani 
22. nov.  19.00 - 22.00  Ilulissat  Perorsaanermik Ilinniarfik 
23. nov. 19.00 - 22.00  Nuuk  Katuaq Ini mikineq 

Tusarniaanermut najoqqutassat tamanut saqqummiunneqarnerinut aamma Namminersorlutik Oqartussat nittartagaanni tamanut tusarniaassutigineqarnerannut atatillugu tamanut ammasumik ataatsimiititsinerit oqartussaasunit ingerlanneqassapput.

Innuttaasut suliassaq pillugu nassuiaanneqarnissamut tamatumalu kingorna suliassamik piginnittuusunut, oqartussaasunut aamma suliassaqarfimmi immikkut ilisimasalinnut arlaannaannulluunniit attuumassuteqanngitsunut apeqquteqarsinnaanissaat siunertaralugu, innuttaasunik ataatsimiititsinerit aaqqissuunneqarput.

Inuussutissarsiornermut, Suliffeqarnermut, Niuernermut Nunanullu Allanut Naalakkersuisoq, Randi Vestergaard Evaldsen, Aningaasaqarnermut Aatsitassaqarnermut Nunanullu Allanut Naalakkersuisoq, Vittus Qujaukitsoq, Avatangiisinut, Pinngortitamut Inatsisinillu Atuutsitsinermut Naalakkersuisoq, Mala Høy Kúko, kommunini borgmesterit, DCE-mit immikkut ilisimasallit kiisalu Ironbarkimeersut peqataassapput.

Tamanut ammasumik ataatsimiititsinerit kalaallisut aamma danskisut ingerlanneqassapput.

Aggialluarisi

Randi Vestergaard Evaldsen

Vittus Qujaukitsoq

Mala Høy Kúko

Attavissaq: Janus Munk, AC-fuldmægtig, Inuussutissarsiornermut, Suliffeqarnermut Niuernermullu Naalakkersuisoqarfik, email: jmun@nanoq.gl , tlf: 346825