Immikkoortortami pisortat nutaat marluk

Ingerlatseeqatigiiffinnut Allattoqarfimmi Nunamilu Namminermi Pissutsinut Allaffeqarfimmi pisortatut atorfiit aasaq inuttaarummatali Naalakkersuisut Siulittaasuata Naalakkersuisoqarfiat atorfinitsitsiniarluni oqaloqatiginninnerit ingerlatereerlugit aalajangerpoq inuussutissarsiornermi aningaasarsiornermik ilisimasalik MBA aamma Ph.d. Lars Balslev Ingerlatseqatigiiffinni Allattoqarfimmi immikkoortortami pisortatut atorfinitsinniarlugu. Nunami Namminermi Pissutsinut Allaffeqarfimmi immikkoortortami pisortatut atorfik pisortaasimasumut il.il. Martha Abelsenimut neqeroorutigineqarpoq.

Lars Balslev Copenhagen Business School-imi CBS-imi maanna ekstern lektoriuvoq avataaneersoq. Lars Balslev Nuummi peroriartorsimavoq Nuummi assigiinngitsunik atorfeqarsimalluni, soorlu Air Greenland A/S-imi Inu:IT A/S-imilu.

Martha Abelsen kommunit pillugit ilisimasaqarluarpoq Namminersornerullutik Oqartussani isumaginninnerup, peqqinnissap nunamilu namminermi pissutsinut tunngatillugu suliaqatsimanerminit kommunimilu qinikkatut sulinerminit.

Martha Abelsenip Nunami Namminermi Pissutsinut Allaffeqarfimmi immikkoortortami pisortanngornerminut atatillugu aalajangerpoq Kommuneqarfik Sermersuumi qinikkatut partimilu sullissinerminit tunuassalluni.

Martha Abelsen Lars Balslevilu 2016-imi januaarimi atorfittaaminni sulilissapput.

 

Martha Abelsenimik atorfinitsitsineq pillugu paasisaqarnerosuttut attavigisinnaavaat pisortaq Mininnguaq Kleist oqarasuaat +299 54 15 87 imaluunniit e-mail mikl@nanoq.gl.

Lars Balslevimik atorfinitsitsineq pillugu paasisaqarnerorusuttut attavigisinnaavaat Naalakkersuisoqarfimmi pisortaq Søren Hald Møller oqarasuaat +299 34 50 00 imaluunniit e-mail sham@nanoq.gl.