Københavnimi sinniisoqarfimmi pisortartaaq

Naalakkersuisut Siulittaasuata Naalakkersuisoqarfia aalajangerpoq cand.jur. Lida Skifte Lennert Københavnimi sinniisoqarfimmi pisortatut atorfinitsinniarlugu. Kalaallit Nunaata Københavnimi Sinniisoqarfiani pisortatut atorfik utaqqiisaasumik2014-imi septembarimiilli inuttaqartinneqarsimavoq.

Lida Skifte Lennert Kalaallit Nunaata Bruxellesimi Sinniisoqarfiani 2008-mili pisortaaviq. Tamanna sioqqullugu Lida Skifte Lennert Namminersornerullutik Oqartussani ilaatigut immikkoortortami pisortatut siunnersortitullu immikkut ilisimasalittut atorfeqarsimavoq.

Tatigineqaatigut Lida Skifte Lennert ilaatigut Grønlandsbanken A/S-imi Nunaoil A/S-imilu siulersuisunut ilaasortaasimavoq Kalaallit Nunaannilu Unammilleqatigiinnissammut aalajangiisartunut ilaasortaasimalluni.

Atorfimmit soraarnermik kalerriiffissat Bruxellesimilu sinniisoqarfimmi 2016-imi qaammatini siullerni pingasuni suliassat pissutaallutik Lida Skifte Lennert Kalaallit Nunaata Københavnimi Sinniisoqarfiani pisortatut 2016-imi apriilip aallaqqaataani sulilissaaq.

Kalaallit Nunaata Københavnimi Sinniisoqarfiani pisortassarsiornermi aqqaneq marluk qinnuteqarsimapput.

 

Paasisaqarnerorusuttut attavigisinnaavaat Naalakkersuisoqarfimmi pisortaq Søren Hald Møller, oqarasuaat +299 34 50 00 imaluunniit e-mail sham@nanoq.gl.