Naalakkersuisoqarfimmi pisortaq nutaaq

Pinngortitamut, Avatangiisinut Inatsiseqarnermullu Naalakkersuisoqarfik nutaamik pisortartaarpoq

Naalakkersuisut ullumi aalajangerput, cand.scient- Mette Skarregaard Pedersen Pinngortitamut, Avatangiisinut Inatsiseqarnermullu Naalakkersuisoqarfimmi pisortatut atorfimmik neqeroorfigineqassasoq. Mette Skarregaard Pedersen Pinngortitamut, Avatangiisinut Inatsiseqarnermullu Naalakkersuisoqarfimmi pisortatut ulloq 5. november 2015 atorfinissaaq.  

Mette Skarregaard Pedersen Namminersorlutik Oqartussani kommunillu ingerlatsivianni atorfeqarsimavoq, ilaatigut avatangiisit pillugit suliani aqutsisutut arlalinnik atorfeqarsimalluni. Mette Skarregaard Pedersen Pinngortitamut, Avatangiisinut Inatsiseqarnermullu Naalakkersuisoqarfimmi 2015-imi februaarimiilli  naalakkersuisoqarfimmi pisortaagallarsimavoq.

Pinngortitamut, Avatangiisinut Inatsisinillu Atuutsitsinermut Naalakkersuisoq, Mala Høy Kúko oqarpoq:

"Mette Skarregaard Pedersen-ip suleqatiginerani assut naammagisimaarsimavara. Mette Skarregaard Pedersen naalakkersuisoqarfiupsuliassaqarfiani tunniusimalluarluni  ilisimasaqarluarlunilu sulivoq. Siunissami suleqatigiilluarnissatsinnut qilanaarpunga.”

Pinngortitamut, Avatangiisinut Inatsiseqarnermullu Naalakkersuisoqarfimmi pisortatut atorfimmut qinnuteqartut sisamaasimapput.

Nuummi, ulloq 4. november 2015

Siulittaasup Naalakkersuisoqarfia