Qitiusumik Siunnersuisarfiup pisortatigoortumik ammaanersiornissaa

Qitiusumik Siunnersuisarfik pisortatigoortimik ammaanersiussaaq ulloq 2. november 2015.

Qitiusumik Siunnersuisarfik immikoortortaavoq nutaaq Ilaqutariinnermut, Naligiisitaanermut Isumaginninnermullu Naalakkersuisoqarfiup iluaniittoq. Immikoortortaq pilersinneqarpoq kommunini immikoortortat inatsisitigut inulerinermullu ineriartorneq tapersersorniarlugu, siunnerfeqarlunilu meeqqanut inuusuttunullu immikkut pisariaqartitsisunut sullissisunut.

Qitiusumik Siunnersuisarfimmut maanna Saaffik atalernikuuvoq aammalu ilagalugu oqarasuaatikkut siunnersuineq, angalaqatigiittartut, supervisioni aammattaaq sulinermi atortussanik ilitsersuutinillu ineriartortitsineq ikorfartuinerlu, soorlu ilitsersuutit malittarisassallu.

Ammaanersiornermi nuannaarutigissavarput suleqatit suleqatissallu takunissaat nal. 13.00-imiit Niels Hammekensvej 41-mi, 3900 Nuuk.

Paasissutissat allat pissarsiarineqarsinnaapput Martha Lund Olsen-imut attaviginninnikkut, naalakkersuisup allattaa Sina Møller Kristiansen oqarasuaat 53 93 71 aqqutigalugu.