Avataasiorluni aalisarnissamut qinnuteqarfissaqalerpoq

Aalisarnermut, Piniarnermut Nunalerinermullu Naalakkersuisoqarfik avataasiorluni aalisarnissamut, misileraalluni aalisarnissamut aamma aalisarsinnaanermut akuersissutinik allanngortitsinissamut oktobarip 28-annit qinnuteqarfissaqartitsilerpoq.

Inuit ingerlatsiviillu avataani pisassiissutaasimasunik aalisassallutik kissaateqartut  qinnuteqaatertik Aalisarnermut, Piniarnermut Nunalerinermullu Naalakkersuisoqarfimmut nassiutissavaat.

Qinnuteqarnermi immersugassat eqqoqqissaartumik immersorneqassapput, paasissutissallu tamatumunnga attuumassutillit aamma ilanngullugit nassiunneqassallutik, taakku  naalakkersuisoqarfimmi tiguneqarsimaleriarpata sullissineq aallartinneqassaaq. Maluginiagassaavoq immersuinermi aalisagaq sorleq aalisassallugu immersuiffimmut allanneqassammat.

Qinnuteqarfissat nutaat pillugit uani atuarsinnaavatit immersuiffissallu aallugit. Uani: Grønlands Erhvervsportal

Attavigineqarsinnaavoq Aalisarnermut, Piniarnermut Nunalerinermullu Naalakkersuisoqarfimmi allaffimmi pisortaq, Jóhanna Lava Køtlum. Mail: jool@nanoq.gl