Tusagassiortunik qaaqqusineq

Knud Rasmussenip illuanut Kalaallit Nunaanni Naalakkersuisunut ilaasortap pulaarnerani tusagassiortunik qaaqqusineq

Tallimanngorneq 30. oktober 2015 nal. 10-13 Knud Rasmussenip illua Hundestedimiittoq kalaallit kultureqarnermut Naalakkersuisuannit pulaarneqassaaq.

Tusagassiortut pulaarneq pillugu tusagassiortunik katersortitsinermut nal. 12.30 tikilluaqqusaapput. Tamanna pissaaq Knud Rasmussenip illuani, Knud Rasmussens Vej 9, 3390 Hundested.

Ilinniartitaanermut, Kultureqarnermut, Ilisimatusarnermut, Ilageeqarnermullu Naalakkersuisoq akuersisimavoq danskip issittumi ilisimasassarsiortup, Knud Rasmussenip illua pulaassallugu. Naalakkersuisoq katersugaasivimmi takusassarsiortinneqassaaq ilaatigullu katersugaasivimmi pisortaq Søren La Cour Jensen Knud Rasmussenip Kalaallit Nunaannut annertuumik pingaaruteqarsimanera nunarsuullu sinneranut kalaallit kulturiannik oqaluttuarisaanerannillu siammarterisimanera pillugu oqaloqateqassalluni.

Pulaarnermi aamma kulturikkut katersugaasiveqarnikkullu - Danmarkip Kalaallillu Nunaata akornanni nunarsuarmioqatinillu suleqateqarnerit eqqartorneqassapput, Naalakkersuisorlu Hundestedimi nutaamik Knud Rasmussen pillugu katersugaasiviliornissamut Issittumilu Misigisassarsiortarfissamik pilersitsinissamut eqqarsaatersuutinik saqqummiivigineqassalluni.

Pulaarneq nal. 12.30 tusagassiortunik katersortitsinermik naggaserneqassaaq, tassanilu pulaartut qaaqqusisullu tusagassiortunit apeqqutigineqartunik akisisassapput assiliisoqassallunilu.

Pulaarnermi peqataassapput Naalakkersuisoq Nivi Olsen allallu, Halsnæs Kommuniata borgmesteria Steen Hasselriis aamma katersugaasivimmi pisortaq Søren La Cour Jensen.

Attavissat:

Martin Kjellberg Ishøy
Aqutsinikkut sullinneqarnermut attaveqarnermullu pisortaq
Halsnæs Kommune
Oqarasuaat 3030 6460
E-mail marki@halsnaes.dk

Jens-Frederik Nielsen
Naalakkersuisup allattaa
Ilinniartitaanermut, Kultureqarnermut, Ilisimatusarnermut ilageeqarnermullu Naalakkersuisoq
Kalaallit Nunaat
Oqarasuaat +299 56 02 99
E-mail jfni@nanoq.gl