Tusagassiorfinnut tapiissuteqartarnermut nalunaarut nutaaq

Naalakkersuisut aningaasanut inatsimmi konto pingaarneq 40.94.28 tunngavigalugu nalunaarummik atuutilersitsipput, Kalaallit Nunaanni allaganngorlugit tusagassiuutinut tapiissutit tunniunneqartarnerannut tunngavissanik malittarisassaqartitsissutaasumik.

Nalunaarummi allaqqavoq, tusagassiuutit pineqartut ataatsimut isigalugu ingerlatsinerannut nalinginnaasumut tapiissuteqarani suliniutinut tapiissuteqartoqartassasoq. Tapiissutigineqartassapput allaganngorlugu tusagassiornerni ingerlatat nutaat suliniutillu nutaat ineriartortinnissaannut kajumissaarinissaq siunertaralugu suliniutit ersarissumik killilerneqartut piviusunngortinnissaannut. Nalunaarutikkut Naalakkersuisunit siunertaavoq tapiissutit agguarneqartarnerannut atatillugu annertunerusumik paasiuminartitsinissaq qulakkeerniarlugu tapiissutinut piumasaqaatit kinaassusersiorani aalajangerneqartassasut.

Tamakku saniatigut tapiissuteqartarnermut piumasaqaatit piviusorsiortut tunngavissinniarneqarput maannakkut Agguaassisarnermut Ataatsimiititaliaqalermat, suleqatigisanit allaneersunit inassutigineqartartunik, akisussaaffigissallugu aningaasaliissutit siunertamut aningaasanut inatsimmi atugassanngortinneqartut aallaavigalugit agguaassisoqartarnissaa.

Nalunaarut uani atuarneqarsinnaavoq.  

 

Annertunerusunik paasisaqarusukkaanni attavigineqarsinnaavoq immikkoortortaqarfimmi pisortaq Karl Davidsene-mail kdav@nanoq.gl.