Kapisillit aalisakkerivinnut tunineqarsinnaalerput


Naalakkersuisut ullumi oktobarip qulingiluaanni aalajangerput inuussutissarsiutigalugu aalisartut kapisillit nunami aalisakkerivinnut oktobarip 31-at ilanngullugu tunisinnaassagaat, pisassiissutilluunniit nungunissaasa tungaannut tunisisinnaallutik.

Ukioq manna kapisilittassiissutigineqartut 45 tonsiupput.

Kapisillit oktobarip arfineq aappaannut pisarineqarsimasut 22,1 tonsiupput, taakkunanit inuussutissarsiutigalugu aalisartunit 8,1 tonsit pisarineqarsimapput, 14 tonsit sunngiffimmi aalisartunit pisarineqarsimallutik.

Taamaattumik Naalakkersuisut aalajangerput inuussutissarsiutigalugu aalisartut kapisillit nunami tunitsivinnut kapisilinniarfiup taamaatinnissaanut tunisinnaassagaat, nungunnissaasaluunniit tungaannut aalisarsinnaassallutik.

Inuussutissarsiutigalugu aalisartut sunngiffimmilu aalisartut kapisilinniarnissaminnut tamarmik periarfissaqarluarput.

Naatsorsuutigineqarpoq tunitsiviit ilisimatitsissasut sumi qaqugulu tunisisoqarsinnaalertoqassasoq.
Attavigineqarsinnaavoq Aalisarnermut, Piniarnermut Nunalerinermullu Naalakkersuisoqarfimmi immikkoortami pisortaq, Emanuel Rosing. Mail: emanuel@nanoq.gl