Kapisilittassiissutit affaat aalisarneqarput

Kalaallit Nunaanni Aalisarsinnaanermut Nakkutilliisoqarfik, KANUAANA, oktobarip arfernanni nalunaarpoq kapisillit 22.156 kiilut pisarineqarsimasut.

Kapisilittassiissutigineqartut 45 tonsiupput.

Aalisarsimanermit nalunaarnerit naapertorlugit inuussutissarsiutigalugu aalisartut kapisillit 12.600 kiilut pisarisimavaat sunngiffimmi aalisartut 7.300 kiilunik kapisilissimallutik.

Kapisillit amerlanersaat Nanortalimmit Sisimiunut pisarineqarput.

Aalisarnermut Piniarnermut Nunalerinermullu Naalakkersuisoqarfimmit kingumut kajumissaarutigineqarpoq inuussutissarsiutigalugu aalisartunut sunngiffimmiluunniit aalisartunut, pisatik pinngitsuunngivillugit nalunaarutigisassammatigik.

Kapisillit qassutinik, qarsorsanik qissataatinilluunniit pisaappata tamaasa nalunaarutigineqassallutik.

Qassusiareersimanerit tamaasa pisatik nalunaarutigisassavaat. Kapisilittarineqartut Kalaallit Nunaanni Aalisarsinnaanermut Akuersissutinik Nakkutilliisoqarfimmut, KANUAANA-mut allakkatigut nalunaarutigineqassapput, faxikkulluunniit qarasaasiakkulluunniit
GFLK@nanoq.gl –mut nalunaarutigisassallutik.

Pingaaruteqarluinnarpoq kapisilittarineqartut tamaviisa nalunaarutigineqarsimanissaat, tamanna siunissami kapisilinniartarnissamut pingaaruteqarluinnartuummat.

Kapisilinniarneq aggustip 15-iannit aallartittoq oktobarip 31-annut killeqarpoq.

Attavigineqarsinnaavoq Aalisarnermut, Piniarnermut Nunalerinermullu Naalakkersuisoqarfimmi immikkoortami pisortaq, Emanuel Rosing. Mail: emanuel@nanoq.gl