Isumaginninnermut siunnersortit ilinniaqqittut

Ilaqutariinnermut, Naligiissitaanermut Isumaginninnermullu Naalakkersuisoq Martha Lund Olsen isumaginninnermut siunnersortit ilinniaqqittut Ilulissanut tikeraarpai.

”Isumaginninnermut siunnersortit isumaginnittullu ulluinnarni sulinerminni unammisassarpassuaqarput pisariusunik suliassarpassuaqarlutik. Taamaammat isumaginninnerup iluani suliaqartut ilinniartillugillu pikkorissartinneqarnissaat anguniagaraarput”, Ilaqutariinnermut, Naligiissitaanermut Isumaginninnermullu Naalakkersuisoq Martha Lund Olsen oqarpoq.

Isumaginninnermut siunnersortit ilinniarteqqinneqarnissaannut siunertaavoq suliassaqarfimmi sulisut pikkorissartinneqarnissaat. Ilinniartitaaneq siamanngorlugu agguagaavoq ukununnga: teorii, sungiusarneq, oqaloqateqarluni aaqqiissutissarsiorneq (supervision) aamma imminut peqqissarneq (terapi). Immikkoortunut sisamanut agguaanikkut isumaginninnermut siunnersortit sulinerminni nukittorsarniarneqarput, isumaginninnermillu sulinermi suliassanut pisariusunut sianissutsimikkut aamma nukittorsarniarneqarlutik. Fagit ingerlanneqartut tassaapput isumaginninnermi sulineq, psykologi aamma inatsisilerineq.   

Ilinniaqqinneq modulikkaartoq 2014-imi ukiakkut aallartippoq 2017-imi naammassissalluni, ilinniarnerlu Ilulissani ulluni makkunani ingerlanneqarpoq.

Ilinniarniaraanni kommunimi ingerlatsivimmi aalajangersimasumik atorfeqarnissaq piumasaqaataavoq.

Ilinniartut 20-upput.

Ilulissanut tikeraarneq innuttaasunik ataatsimiisitsinermik naggaserneqassaaq unnugu nal. 19.00 – 20.30 Hotel Icefjordimi.

 

 

Paasisaqarnerorusuttut attavigisinnaavaat Naalakkersuisumut allatsi Sina Møller Kristiansen e-mail nimk@nanoq.gl  imaluunniit oqarasuaat (+299) 53 93 71.