Kielsen Nunani Avannarlerni statsministerillu

Naalakkersuisut Siulittaasuat Kim Kielsen Nunani Avannarlerni statsministerit ukiumoortumik ”aasakkut ataatsimiinnerannut” peqataavoq oktobarip pingajuanni 2015-imi Marienborgimi. Qallunaat Nordisk Ministerådimut siulittaasuunerat Nunallu Avannarliit Issittumut tunngassutilinnut sunniuteqartarnerat eqqartukkanut ilaapput.

”Naalakkersuisut siulittaasuattut ataatsimiinnerup nalaani pingaartillugu eqqaavara Nunat Avannarliit peqatigiillutik nunat tamallat akornanni suleqatifiiffissuit iluanni politikikkut aallarniinissamut tunngavissanik pilersitsisarnissaat pissusissamisoornerarlugu, soorlu Issittumi Siunnersuisoqatigiit iluanni FN-imilu suliniuteqarfinni allani. Tamanna ingammik Namminersorlutik Oqartussanut pingaartuuvoq, tassami Nunat Avannarliit akornanni suleqatigiinnerup toqqaannartumik politikikkut oqaloqatigiinnerit aqqutigalugit Nunani Avannarlerni politikereqatit sammisanut tamakkununnga eqqartueqatigiinnissamut periarfissiisuusarmat”, taama oqarpoq Kim Kielsen.  

”ABA (Issittumi Uumassusillit Assigiinngissitaarnerat) – Issittumi uumassusillit assigiinngissitaarnerannut qulaajaaneq taamaattoq Nunat Avannarliit suleqatigiittarnerannut assersuutissaqqippoq. Maanna taanna Avatangiisinut Naalakkersuisut akornanni sammisatut ingerlateqqinneqarpoq. Aammatttaaq ukioq manna marsi qaammat Ilulissani takuarput suleqati-giinnissamut naalakkersuisuusut apeqqutut Issittumut tunngaasuteqartut oqallisigereermatigit Europami puisit pillugit paasisitsiniaanermut sulinissamut aningaasaliisoqartoqassasoq aalajangiisoqarmat.

Nunat Avannarliit iluanni suleqatigiinnissamut akisussaastut Naalakkersuisutut 2014-imi Qallunaat Nunaata 2015-imi siulittaasuunissaata nalaani suliniutissat imassai pillugit oqallinnermut peqataavunga. Issittup sammineqarnera taamatut iluarisimaartorujussuuara, tamannami juuni qaammat 2014-imi oqallinnitta kingorna ilanngunneqarmat. Nunat Avannarliit nunarsuarsinni aningaasaqarnerit pingaarnerit akornanni normu 11-itut inissisamavoq, tamanna pissutigalugu Nunat Avannarliit uagutsinnut suleqatigissallugit pingaaruteqat”, Kim Kielsen oqarpoq. 

Tunuliaqutaa

Qallunaat Nunaanni folketingimut qinersisoqarsimanera pissutigalugu Nunani Avannarlerni statsministerit pisarnermissut aasakkut naapisimaartarnerat aatsaat ullumikkut arfininngornermi oktobarip pingajuanni Marienborgimi pivoq.  Statsministerit Nunat Avnnarliit pillugit immikkut eqqartuinissaannut Savalimmiuni, Ålandimi Kalaallilu Nunaanni Naalakkeruisut siulittaasui qaaqqusaasimapput, taamatuttaaq Nordisk Rådip præsidentiat ammalu Nordisk Ministerrådimut generalsekretæriusoq.   

Assimiipput: Nunani Avannarlerni Siunersuisoqatigiit præsidentiat, Höskuldur Phorhallsson, Nunani Avannarlerni Siunersuisoqatigiit allattoqarfiata pisortaa, Britt Bohlin, Nunani Avannarlerni Ministerit Siunnersuisoqatigiivisa qullersaat, Dargfin Høyboten aamma Naalakkersuisut siulittaasuat.


Annertunerusumik paasisarqarusukkuit uunga attaveqarsinnaavutit: Naalakkersuisumut allatsi Karen Motzfeldt, email: karm@nanoq.gl Mobil: +299 562450.