Aatsitassanut Naalakkersuisoqarfimmi pisortaq nutaaq

Naalakkersuisut ullumi aalajangerput Jørgen T. Hammeken-Holm Aatsitassanut Naalakkersuisoqarfimmi pisortatut atorfinitsinneqassasoq. Jørgen T. Hammeken-Holm Aatsitassanut Naalakkersuisoqarfimmi pisortatut sulilissaaq ulloq 10. september 2015.

 

Jørgen T. Hammeken-Holm piffissami sivisuumi Namminersorlutik Oqartussani sulisarsimavoq, tassunga ilanngullugu aatsitassanut tunngassuteqartut iluini pisortatut atorfiit arlallit suliffigisimavai. Jørgen T. Hammeken-Holm piffissami kingullermi Aatsitassanut Naalakkersuisoqarfimmi pisortaagallartutut atorfeqartinneqarpoq.

 

Andreas Uldumip oqaatigaa:

"Jørgen T. Hammeken-Holmimik maannamut suleqateqarsimanera naammagisimaarluinnarpara. Jørgen T. Hammeken-Holm aatsitassanut tunngassuteqartut iluini ilisimasaqarluartuullunilu misilittagaqqortuujuvoq. Siunissami suleqatigiilluarnissatsinnut qilanaarpunga.”

 

Aatsitassanut Naalakkersuisoqarfimmi pisortatut atorfimmut qinnuteqartut pingasuusimapput.

 

Nuuk, ulloq 9. september 2015

Naalakkersuisut Siulittaasuata Naalakkersuisoqarfia