Suliffissaaleqinermi kisitsisit

Qanorooq sisamanngornermi 24. september 2015 ilanngutassiamini ilisimatitsivoq nunatsinni suIiffissaaleqisut 4000-iusut, matumuuna kisitsisit pineqartut pillugit erseqqissaateqartoqassaaq.

Inuussutissarsiornermut, Suliffeqarnermut, Niuernermut Nunanullu Allanut Naalakkersuisoq Vittus Qujaukitsoq tamatumunnga atatillugu innersuussissaaq naatsorsueqqissaartarfiup suliffissarsiortunut nalunaarsukkanut kingullernut ukioq manna augustimi saqqummiussaanut, tassani atuarneqarsinnaammata inuit 2.712-it suliffssarsiortutut nalunaarsugaasut, taakkunanngalu 380-it nunaqarfinni. Tamatuma takutippaa qaammammi tassani ukiumut siulianut sanilliullugu suliffissarsiortutut nalunaarsukkat 455-inik ikileriarnerat.
Tassalu 2014-imi piffissami pineqartumi suliffissarsiortunut sanilliullugit inunnik 455-inik ikileriarsimallutik.

Annertunerusunik paasisaqarniaraanni Naalakkersuisoqarfimmi pisortaanermut Jørn Skov Nielsen oqarasuaammut 34 56 34 attaveqartoqarsinnaavoq.