Hudson Greenland A/Silu IBA-mik isumaqatigiissut aaneqarsinnaalerpoq

Hudson Greenland A/Sip, Namminersorlutik Oqartussat aamma Qeqqata Kommuniata akornanni IBAmik isumaqatigiissut, Anorthorsitimik Naajat eqqaani Qaqortorsuarmi Sisimiut aamma Kangerlussuup akornanniittumi aatsitassarsiornissamut akuersissuteqarnermut atatillugu atsioqatigiissutigineqartoq, Naalakkersuisut nittartagaatigut maanna aaneqarsinnaalerpoq.

IBAmik isumaqatigiissuteqarnermi akuersissummik pigisaqartut, Namminersorlutik Oqartussat aamma Qeqqata Kommuniata akornanni suleqatigiilluarnerup pitsaasuunissaa siunertarineqarpoq kiisalu aatsitasssarsiorluni suliniut piujuartitsisumik siunertaqarluni ineriartortinneqassasoq. Kalaallit sulisartut aatsitassarsiorfimmi sulisorineqalernissaannut ilinniartitsinerit sulilersinneqarnissaallu isumaqatigiissutigineqartut aamma najukkami suliffeqarfiit aatsitassarsiorfimmut tunisaqartarnissaat IBAmik isumaqatigiissummi atuarneqarsinnaapput.

IBAmik isumqatigiissut massakkumut tuluttuinnaq pigineqarallartoq uani aasinnaavat

Kalaallisut nutserneqarnera naammassineqariarpat nittartakkamut ikkunneqarumaarpoq.

Inussiarnersumik inuulluaqqusillunga

Vittus Qujaukitsoq