Atsioqatigiinnermi Uldumip oqalugiaataa

Qaqortorsuarmi Anorthositimik piiaanissamut akuersissummik IBA-millu isumaqatigiissuteqarnermik atsioqatigiinnermi Aningaasaqarnermut Aatsitassanullu Naalakkersuisup Anda Uldumip oqalugiaataa

  • Tamassinnut qujanaq – IBA-p maanna atsioqatigiissuteqarnera nuannaarutigaarput. Massakkullu ingerlaqqeriarutta piiaanissamut akuersissummut saanginnariarta.
  • Piiaanissamut akuersissut akuersissutaavoq kisermaassilluni ingerlanneqartussaq Hudson pisinnaatillugu piffimmi akuersissuteqarfiusumi pineqartumi anortosit-simik kisermaassilluni piiaasinnaaneranik.
  • Piiaanissamut akuersissut allagartaliussaavoq uppernarsaat suliaqarnermi pisussaaffinnik piumasaqaatinillu tamanik aalajangersaaffiusoq suliaqarnerup iluanik suliat suulluunniit eqqarsaatigalugit.
  • Taamaammat ullumikkut atsiorneq suliniuteqarnitsinnut pingaaruteqartorujussuuvoq. Piiaanissamut akuersissut manna atsiugassarput, tassaavoq allagartaq uppernarsaat siunissami qanimut suleqatigiinnissatsinnut takussutissaasoq.
  • Manna iluatsillugu qujaffigerusuppara Hudson-i kinguneqarluartussamik  tapersersoqatigiittumillu suleqatigisimagatsigit maannamut suliamik ingerlatsinitsinni.
  • Suliaq aallartippoq ukiormi marts-imi, tassani Hudson-ip piiaanissamut qinnuteqaat tunniuppaat.
  • Assigiinngitsorpassuit oqaluuserineqarsimapput, inuppassuillu oqaloqatigineqarsimallutik. Tamakku tamaasa ingerlanneqarsimapput, qulakkeerniarlugu Piiaanissamut akuersissummi kikkut tamarmik suliamut attuumassuteqartut pitsaanerpaamik iluanaarnissaat anguniarlugu – aatsitassarsiortut inuiaqatigiillu.
  • Suliamik ingerlatsisimanerput assersuutillatsialaavoq siunissami qanoq suleqatigiinneq akornatsinni ingerlatissaneripput, tamannalu inuttut nammineq assut qilanaareqaara.
  • Uunga suliamut attuumassuteqartut Hudson-imut, Kalaallit Nunaannut innuttaasuinullu periarfissiipput amerlasuunik. Suliqatimma Vittus-ip oqaatigereerpaa suliffissanik periarfissat, Naalakkersuisunut tamanna pingaaruteqarluinnartuuvoq.
  • Taassuma qaavatigut uumap suliap pilersissuai akileraarutitigut inuiaqatigiinnut isertitat. Aningaasaqarnermut Naalakkersuisutut Aatsitassaqarnermullu Naalakkersuisutut uannut tamanna immikkut pingaaruteqarpoq.
  • Naalakkersuisut sinnerlugit, Piiaanissamut akuersissut atsiussuara siunissamilu tamatta sulilluarnissatsinnik kissaalluta.
  • Sivisuuliorujussuanngikkaluarllunga, aallartiinnaqisa. Allaatiguk tigusigit Piiaanissamullu Akuersissut atsiorluta naammassitigut – taamaasillutalu aallarta ingiaqatigiillutalu iluaqutissanik piiaalluta.

 

Atsioqatigiinnermit tusagassiorfinnut nalunaarut uani atuaruk.