Piiaanissamut akuersissumik Ironbark-ip qinnuteqaataa.

Tunup Avannaarsuani Citronen Fjord-imi zinkimik aqerlumillu piiaanissamut akuersissummik qinnuteqaat Ironbark-ip tunniuppaa. Ingerlatseqatigiiffiiup tassunga atatillugu inuiaqatigiit nammassinnaassusiinik aammalu pinngortitamut avatangiisinullu sunniutaasinnaasunik nalilersuinerit (VSB aamma VVM) inatsisitigut piumasaqaataasut kiisalu immikkut angalanerup isumannaatsuuneranik misissuinissamut siunnersuut nassiuppai. Allakkat maanna tamanut tusarniuutigineqarput uanilu atuarneqarsinnaallutik: Tusarniaanerit pereersut  

Septembarip 23.-anit decembarip 1.-nut tusarniaaneq ingerlassaaq. Tusarniaanerup nalaani Naalakkersuisut tusarniaanermi ataatsimiisitsinerit Nuummi, Sisimiuni, Ilulissani Kangerlussarmilu ingerlatissavaat. Tamatuma saniatigut 2016-imi januaarimi Qaanaami aamma Tasiilami suliniut pillugu innuttaasut immikkut ataatsimiisinneqassapput.

Tusarniaanermi ataatsimiisitsinerit aammalu innuttaasut immikkut ataatsimiisinneqarnerinut ullut piaartumik kalerriutigineqassapput.

Tusarniaanermi ataatsimiisitsinerni aammalu innuttaasut immikkut ataatsimiisinnerini suliniut pillugu innuttaasut ilisimatinneqassapput apeqqutissatillu akisillugit.

Itinerusumik paasiniaaffissat: Aatsitassanut Naalakkersuisoqarfik, Inuussutissasiornermut, Suliffissaqarnermut Niuernermullu Naalakkersuisoqarfik aamma Pinngortitamut, Avatangiisinut Inatsinillu Atuutsitsinermut Naalakkersuisoqarfik.