Kapisillit tonsit qulit pisarineqarput

Kalaallit Nunaanni Aalisarsinnaanermut Nakkutilliisoqarfik, KANUAANA, septembarip 22-anni nalunaarpoq kitaani kapisillit 10.515 kiilut pisarineqarsimasut.

Aggustip 15-iannit kapisilinniarneq aallartippoq, oktobarip 31-anni unitsinneqassalluni, pisassiissutigineqartulluunniit nunguppata kapisilinniarneq unitsinneqassalluni.
45 tonsit pisassiissutaapput.
Aalisarnermut Piniarnermut Nunalerinermullu Naalakkersuisoqarfimmit erseqqissaassutigineqarpoq inuussutissarsiutigalugu aalisartunut sunngiffimmiluunniit aalisartunut, pisatik pinngitsuunngivillugit nalunaarutigisassammatigik.
Kapisillit qassutinik, qarsorsanik qissataatinilluunniit pisaappata tamaasa nalunaarutigineqassallutik.
Qassusiareersimanerit tamaasa pisatik nalunaarutigisassavaat. Kapisilittarineqartut Kalaallit Nunaanni Aalisarsinnaanermut Akuersissutinik Nakkutilliisoqarfimmut, KANUAANA-mut allakkatigut nalunaarutigineqassapput, faxikkulluunniit qarasaasiakkulluunniit GFLK@nanoq.gl –mut nalunaarutigisassallutik.

Pingaaruteqarluinnarpoq kapisilittarineqartut tamaviisa nalunaarutigineqarsimanissaat, tamanna siunissami kapisilinniartarnissamut pingaaruteqarluinnartuummat.

Attavigineqarsinnaavoq Aalisarnermut, Piniarnermut Nunalerinermullu Naalakkersuisoqarfimmi immikkoortami pisortaq, Emanuel Rosing. Mail: emanuel@nanoq.gl