Tasiilamut immikkut qilalugartassiissutit

Naalakkersuisut septembarip 17-iani 2015-imi aqutsiveqarfimmut Tasiilamut qilalugartassat qulinik immikkut qaffanneqarnissaat akueraat.
Sermiligaami piniartut peqatigiiffiat qilalugartassat immikkut qulinik qaffanneqarnissaat pillugu APNN-imut saaffiginnissutigisimavaat pissutigalugu piffimmi qilalugartassissutit nannuttassiissutillu nungunneqareersimammata allanillu periarfissaqaratik.

APNN-imiit erseqqissaatigineqarpoq qilalugartassiissutit ukiup sinnerani nalinginnaa-sumik qaffanneqaqqissanngitsut.

Qilalugarnermi Namminersorlutik Oqartussat qilalukkanik qaqortanik qernertanillu illersuineq piniarnerlu pillugit nalunaarutaat nr. 7 29. marts-imeersoq 2011-mi malin-neqassaaq.

Paasissutissat sukumiinerusut immikkoortortaqarfimmi pisortamut Amalie Jessen-imut tlf. nr. +299 34 53 04, amalie@nanoq.gl, saaffiginninnikkut pissarsiarineqarsinnaapput.