Filippinerit ambassadøriat Nuummut tikeraarpoq

Filippinerit ambassadøriat Bayani S. Mercado sapaatip akunnera una siullermeerluni Nunarput tikeraarpaa, Nuummi piffissami 10.-14. september ataatsimiittassalluni.

Filippinerit ambassadeat Oslomi inissisimasoq, filippinerit naalakkersuisuisa pisortatigoortumik Norgemi, Finlandimi, Islandimi, Sverigemi Kunngeqarfillu Danmarkimi oqartussaasunut attaveqarfiusarpoq.

Ullumi ataatsimiinnerminni Inuussutissarsiornermut, Suliffeqarnermut, Niuernermut Nunanullu Allanut Naalakkersuisoq Vittus Qujaukitsoq aamma ambassadør Mercado Filippinerit Kalaallit Nunaatalu suleqatigiinnerat eqqartorpaat.

Ambassadør Mercadop tikeraarnermini Aalisarnermut, Piniarnermut Nunalerinermullu Naalakkersuisoq Kart-Kristian Kruse aammattaaq ataatsimeeqatigissavaa.

Annertunerusumik paasisaqarusunnermi attaveqarfigineqassaaq AC-fuldmægtigi Rebecca Lynge oqarasuaammut: +299 55 33 28