Qeqqussat pillugit sammisaqartitsineq

Septembarip 9-aniit 11-iat ilanngullugu 2015-imi Nuummi Hans Egede-p Illuani qeqqussat pillugit sammisaqartitsineq

Naalakkersuisut peqqinnerulernissaq kalaallillu tunisassiaataanik atuisoqarnerulernissaq pillugu suliniutaanut atatillugu Aalisarnermut Piniarnermut Nunalerinermullu Naalakkersuisoqarfik Nordisk Ministerråd suleqatigalugu Hans Egede-p Illuani ullut pingasut atorlugit septembarip 9-aniit 11-iat ilanngullugu 2015-mi qeqqussat pillugit sammisaqartitsissaaq.

Sammisaqartitsinerup siunertaraa inuit nerisassiornerminni qeqqussanik atuinerusalernissaq, tamannalu pissanganartumik oqalugiartitsinikkut, saqqummersitsinikkut pingaartumillu nerisassianik assigiinngitsunik ooqattaarisitsisarnikkut pissaaq. Igasunit pikkorissunit Annesofie Hardenberg-imit aamma Inunnguaq Hegelund-imit nerisassiarineqartussanik.

Pinngortitaleriffik Aarhus Universitet suleqatigalugu qeqqussat assigiinngitsut takusassiariniarpaat, peqataasullu puigugassarinngisaminnik paasisaqarlutik angerlarsinnaassapput.

Matut pingasunngornermi 9. septembarimi nal. 19.00 ammarneqassapput tikilluaqqusisoqassallunilu, kingorna ilaatigut Ulrik Lyberth-imit oqalugiartoqassaaq taassumalu suliarisartagai niuernertut takutitsinermik ilaqassalluni. Taassuma kingorna Susse Wegeberg aamma Ole Geertz-Hansen Pinngortitaleriffimmeersoq qeqqussanik suliaqartarneq pillugu oqalugiassapput.

Sisamanngornermi tallimanngornermilu nal. 11.00 – 18.00 illu tamanut ammarneqassaaq, tamatumani soqutiginnittut tamarmik tikilluaqqusaallutik.

Ullormut pisussanut takussutissiaq uani takuneqarsinnaavoq.

Paasissutissanik annertunerusunik pissarsiniarnermi attavissaq: Piniarnermut Naalakkersuisoqarfimmi immikkoortorrami pisortaq Amalie Jessen, oqarasuaat +299 34 53 04, email: amalie@nanoq.gl