Tuttunniarnermi umimmanniarnermilu maleruagassat atuuttut

Tuttunniarnerup umimmanniarnerup aasaanerani ukiaaneranilu 2015-imi ingerlanera pillugu Namminersorlutik Oqartussat tuttut nujuartat illersugaanerat piniagaanerallu pillugit nalunaarutaat nr. 7, 27. juni 2013-imeersoq aamma umimmaat illersugaanerat piniagaanerallu pillugit nalunaarutaat nr. 8, 27. juni 2013-imeersoq malillugu maleruagassat atuuttut APNN-imiit matumuuna erseqqissaatigineqassapput.

  • Nalunaarutini taakkunani marlunni § 12 malillugu tuttumik umimmammillu pisaqareernerup kingorna pisarineqartup neqaa tamaat pisaqarfimmiit nassarneqassaaq. Taamaattumik timaannik assigisaanillu nunaannarmi qimaannarnissaat inerteqqutaavoq.
  • Nalunaarutini marlunni pineqartuni § 14, imm. 3, malillugu qimmit tuttunniarnermi umimmanniarnermilu nassarnissaat inerteqqutaavoq. Qimmit qimuttoqarfiusuni assartuinermi atorneqartartut pineqanngillat.
  • Qimmit qimuttut kiisalu qimmeqarneq qitsuuteqarnerlu pillugit Inatsisartut inatsisaat nr. 18, 30. oktober 1998-imeersumi § 9, imm. 3, malillugu qimmit sulisinneqanngitsut tavaannartut piginnittumut taarsiinissamut akisussaaffittaqanngitsumik piginnaaneqartitaasunit tunngassuteqartunit toqunneqarsinnaapput.

Taamaalilluni erseqqissaatigineqarpoq tuttunniarnermiit umimmanniarnermiillu neqip tamaat nassartarneqartarnissaa kiisalu qimmit tuttunniarnermi umimmanniarnermilu nassartarnissaat inerteqqutaasoq.

Paasissutissat sukumiinerusut immikkoortortaqarfimmi pisortamut Amalie Jessen-imut tlf. nr. +299 34 53 04, amalie@nanoq.gl, saaffiginninnikkut pissarsiarineqarsinnaapput.