Nuummi Paamiunilu saattuarniarneq unitsinneqassaaq

Assiliisoq: Pinngortitaleriffik.

Aqutsiveqarfimmi Nuuk - Paamiut saattuarniarneq unitsinneqassaaq

Matumuuna nalunaarutigineqassaaq aqutsiveqarfimmi Nuuk-Paamiut sinerissap qanittuani saattuarniarneq, marlunngornermi septembarip arfineq aappaanni unitsinneqassammat, sinerissap qanittuani saattuartassiissutigineqartut 950 tonsit tamakkerlugit aalisarneqarsimalermata.

Ulloq saattuarniarfiujunnaartussaq septembarip arfineq aappaat 2015 aamma tassaavoq kingullermik tunitsivigineqartussaq.

Saattuarniutit ullormi kingullermi tunitsiviusumi peereerneqarsimassapput.

 

Annertunerusumik paasisaqarusukkuit:

Pisortap tullia Niels J. Laursen

Kalaallit Nunaanni Aalisarsinnaannermut Akuersissutinik Nakkutilliisoqarfik

Tlf. nr. +299 34 50 00

E-mail: nijl@nanoq.gl