Eqqartuussiviit Qullersaaneersut Naalakkersuisorlu

Pinngortitamut, Avatangiisinut Inatsisinillu Atuutsitsinermut Naalakkersuisoq Mala Høy Kúko Eqqartuussiviit Qullersaanni eqqartuussisunit 17-init Nuummut tikeraartunit pulaarneqarpoq ullumi 2. september 2015. Eqqartuussiviit Qullersaanni eqqartuussisut katillutik 19-iupput, taakkunannga 17-it nunatsinni eqqartuussiveqarfinni sullissineq nunatsinnilu inuiaqatigiittut inooriaaserput  pillugit paasisassarsioriartorlutik tikeraarput. Eqqartuussisut tikeraarnerminni Naalakkersuisunut ilaasortamik naapitsinermik saniatigut aamma pulaarpaat suliffeqarfissuaq Royal Greenland, Issittumi Sakkutooqarfik, Naalagaaffiup Sinniisua Mikaela Engell, Inatsisartut Ombudsmandiat Vera Leth aamma Inatsisartut Siulittaasuat Lars Emil Johansen. Eqqartuussiviit Qullersaanni præsidentip Poul Søgaardip Naalakkersuisuni ilaasortaq Mala Høy Kúko atuakkamik Eqqartuussiviit Qullersaata ukiut sisamat matuma siornagut ukiunik 350-nngortorsiorneranut atatillugu saqqummersitaasimasumik tunissuteqarfigaa.