Pitsaasumik atuarnissaq pillugu ataatsimoorussineq

Atualernissaq pillugu nuna tamakkerlugu paasititsiniaaneq ”Atualiliiv’ - Skoleklar” Ilinniartitaanermut, Kultureqarnermut, Ilisimatusarnermut Ilageeqarnermullu Naalakkersuisoqarfiup ataasinngorneq 3. august aallartippaa, paasititsiniaaneq sinittarnissaq, peqqinnartunik nerisaqartarnissaq, atuagaasiviup immerluarneqartarnissaa, meeqqap atuarneranik soqutiginninnermik isumassuinermillu qitiutitsisoq angajoqqaanut sammitinneqarpoq.

Paasititsiniaanermi siunertarineqarpoq ilaqutariit meeqqanik atuartuutillit pitsaanerpaamik atuarnissamut periarfissinneqarnissaat. Meeqqat ulluinnarni atuarnerminnik atuartuunerminnillu naammassinninnissamut pitsaanerpaamik tunngavissaqartinniarlugit qitiutitat taakku ulluinnarnik oqilisaaqataassapput.

Atuartuuneq meeqqat inuunerannut pingaaruteqarluinnartuuvoq, pitsaasumillu atuarneq meeqqat atuarfimmi ilinniarnerannut atugarisaannullu pitsaasumik sunniuteqarsinnaalluni. Taamaammat pingaaruteqarpoq meeqqat tamarmik ilinniagassamik ilaannik aallartilluartitsinissaat aamma ilaqutariit ataatsimut ikioqatigiinnerisigut meerartavut pitsaanerusunik periarfissaqartilissavavut.

Paasititsiniaasoqarpoq angajoqqaat kajumissuseqalersinniarlugit aamma meeqqat atuarfimmi atukkanut tamanut peqataatinniarlugit kiisalu pitsaasumik atuarnissaq pillugu ataatsimuulersitsiniarluni.

www.atualiliiv.gl aqqutigalugu paasisaqarnerusoqarsinnaavoq aamma Facebookikkut malinnaanikkut.

Annertunerusumik paasisaqarusunnermi saaffigineqarsinnaavoq Karl F. J. Davidsen kard@nanoq.gl imal. mobil nr. + 299 552370