Pisortaagallartussaq

Peqqissutsimut Naalakkersuisoqarfimmi pisortaagallartussaq nutaaq

Peqqissutsimut Naalakkersuisoq Doris Jakobsen aalajangerpoq Lone Nukaaraq Møller Peqqissutsimut Naalakkersuisoqarfimmi 24. august 2015 aallarnerfigalugu pisortaagallartunngortinniarlugu Peqqissutsimut Naalakkersuisoqarfimmi pisortamik atorfinitsitsoqarnissaata tungaanut.

Lone Nukaaraq Møller Aningaasaqarnermut Naalakkersuisoqarfimmi immikkoortortamut pisortatut atorfeqarluni Peqqissutsimut Naalakkersuisoqarfimmi pisortaagallalissaaq. Kalaallit Nunaanni meeqqat pisinnaatitaaffii pillugit sullissiviup MIO-p allattoqarfiani pisortatut aamma pinaveersaartitsinerup ilisimatusarnerullu iluani siornatigut ilaatigut atorfeqarsimavoq.

Peqqissutsimut Naalakkersuisoqarfimmi pisortatut atorfik piffissami qanittumi inuttassarsiorneqalissaaq.

Paasisaqarnerorusuttut attavigisinnaavaat Naalakkersuisoqarfimmi pisortaagallartoq Lone Nukaaraq Møller, oqarasuaat: +299 34 66 25.