Kujataani panernersuaq pillugu Nunalerinermut Siunnersuisoqatigiit ataatsimiipput

Savaateqarfik

Nunalerinermut Siunnersuisoqatigiit ulluinnarni aqutsisui tall. 21. August 2015 ataatsimiipput Kujataani panernersuaq pillugu iliuusissanik eqqartuillutik.

Kujataani panernersuaq ilungersunarluinnarpoq taamaattumik Nunalerinermut Siunnersuisoqatigiit Naalakkersuisut siunnersorpaat nunalerinermik ingerlataqartut immikkut ittumik nerukkaatissanik pisinniarnissamut aningaasalersuinissamut iliuuseqaqqullugit.

Kiisalu umiarsuakkut assartorneqarnissaat pillugu annertuppata piniaqqitassat immikkut umiarsuarmik attartornikkut ingerlattariaqassappata tamanna akuereqqullugu.

Siunissaq eqqarsaatigalugu Nunalerinermut Siunnersuisoqatigiit isumaqarputtaaq nunaatilinnut imerterutit pisariaqartinneqartut pissarsiarineqarnissaat. Aammalu imerterutinik annertunerusumik pisaartornissaq pisariaqartoq, siunissami nerukkaatissanik nunatsinneersunik aalaakkaanerusumik pissarsisoqartassappat.

Nunalerinermut Siunnersuisoqatigiit maluginiarsimavaat ukiuni kingullerni minnerusumik annerusumilluunniit panernersuaqartartoq nunalerinermi suliallit aningaasatigut nammineq nammattarsimasaannik. Ukioq mannali panernersuaqarnera imak annertutigaaq Nunalerinermik Siunnersuisooqatigiit politikkikkut immikkut ittumik iliuuseqartoqarnissaa innersuussutigalugu.

 

Annertunersumik paasisiaqarusunnermi saaffigineqarsinnaavoq Niels Lund, Nunalerinermut Siunnersuisoqatigiit Siulittaasua,  oqa. +299 492451