Kalaallit Nunaata assinga nutaaq

Qaammataasaq aqqutigalugu qarasaasiakkut nunap assiliornissaq nutaaq Kalaallit Nunaannik assiliortorneqarneratigut nunarsuarmi qeqertat annersaat maanna nutaaliaasumik nunap asseqalissaaq, ataavartumik iluaqutaasussamik inuiaqatigiinni ingerlaatsinut annerusumillu isumannaallisaanermut iluaqutaasussamik.

Nunarsuatta qeqertat annersaat qarasaasiakkut atortorissaarut digital atorlugu ilusilersorneqassaaq soorlu avatangiisitsinnut iluaqutaasussaq, takornariaqarnermut aammalu upalungaarsimaniarnermut. Nunap assinga nutaanngililersoq kiisalu sermersuup aakkiartortup Kalaallit Nunaata nunataa allanngoriartortup pisariaqartilersimavaa nutaamik digital atorlugu nunap asseqalernissaa.

Aallaqqaammut suliniuteqartup ”pilotprojekt” silaannakkut Kalaallit Nunaat assiliortussavaa taannalu Danmarkimit marloriaatingajammik isorartutigisoq ukiut tulleriit pingasut atorlugit nunap assinganik assiliortussavaa. Misilittakkallu suliamit tassannga atorneqassapput nalilersussallugulu Kalaallit Nunaat tamarmi nunap assiliortorneqarneratigut.

-Kalaallit Nunaata assinga maanna atuuttoq piffissamit allaminngaanneersuuvoq. Eqqoqqissaartumik sanaajunngillat kiisalu sumiissusersiummut GPS-imut atorneqarsinnaanani. Nunap assingi amigaateqarpallaaqaat soorlu assersuutigalugu sillimaniarnermut, silaannaap allanngoriartorneranut kiisalu pitsaasumik ingerlatsinissamut. Tamanna maanna iliuuseqarfigaarput, oqarpoq nukissiuuteqarnermut pilersuinermut silap pissusaanut minister-i Lars Christian Lilleholt.

Sillimaniarnermut iluaqutaassaaq kiisalu inuussutissarsiornerup inerikkiartorneranut. Eqqoqqissaartumik aamma suliarilluakkamik nunap asseqarnissaq inuiaqatigiinnut Kalaallinut pingaartuuvoq assersuutigalugu upalungaarsimaniarnermut tunngatillugu kiisalu sillimaniarnermut pinngortitami angalasunut tunngatillugu.

-Nunap assinga nutartigaq aamma iluaqutaassaaq inuussutissarsiornikkut ineriartornermut, oqarpoq Anda Uldum, Aningaasaqarnermut- Aatsitassanullu Naalakkersuisoq.

-Uanga nuannaarutigisorujussuuara Geodatastyrelsi Danmarkimi Nukissiuuteqarnermut- Pilersuinermut- Silap pissusaanullu ministeriaqarfiup ataaniittoq suleqatigiinnissamik atsioqatigiinneqarmat, kiisalu sukumiisumik eqqoqqissaartumillu digital atorlugu nunap assilialiornissaq tunngavilerneqarmat. Nutartikkamik nunap assinganik peqarnissaq tunngaviulluarsinnaavoq inerikkiartortitsinermik aammalu inuussutissarsiutit nutaat inerikkiartortinneqarneranik, tassami nunatta pisuussutai atortaratsigit. Kalaallit Nunaat nunanut allanut unammillernartumik sakkortuumik inissisimavoq nunanit allaneersut aningaasaliisoriniarlugit pilerilersitsinissamut aatsitassanik uuliamillu ujaasinerup piiaanissamullu. Nutartikkamik sukumiinerusumillu nunap asseqalerneq unammilleqatigiinnermut pingaaruteqartorujussuuvoq kiisalu pisariaqarluinnarluni aningaasaleerusussuseq siuarsarniarlugu.

Ukiut pingasuni tulliuttuni Kalaallit Nunaat immikkoortortanik sisamanngorlugu assiliortorneqassaaq, assigiinnarpaa Danmark-ip angissusaa marloriaatingajanngortillugu. Suliamut akisussaasuuvoq suliffeqarfik Geodatastyrelsen nunap assiliortorneranut aamma Namminersorlutik Oqartussat Asiaq-llu qanimut suleqatigalugit ingerlanneqassalluni. Qulakkeerumallugu nunap assingi pisariaqartitsinerit assigiinngitsut iluaqutigiumaagaannik – suleqatigiit amerlasuut suliamut attuumassuteqartut peqataasussaapput.

Suliniaqatigiiffimmut “pilotprojektimut” aningaasartuutaasussat (15 mio.) aningaasaliiffigineqarput A.P. Møller-imit kiisalu nulianit Chastine McKinney Møller-ip aningaasaateqarfianit “almen formaal-imit”.

Paasissutissat allat:
Tusagassiornermik suleqataasoq Rasmus Bjørn, Energi,- Forsynings- og Klimaministeriet, tlf. +45 41 72 90 77, e-mail: rasbj@kebmin.dk  
Områdechef Georg Jensen, Geodatastyrelsen, mobil: +45 2561 6688m e-mail: gj@gst.dk  
Afdelingschef Thomas Gaarde Madsen, Aningaasaqarnermut Naalakkersuisoqarfik, tlf. +299 345415, e-mail: thga@nanoq.gl