Pisortaq nutaaq

Naalakkersuisut ullumi aalajangerput, Julie Præst Wilche Ilaqutariinnermut, Naligiissitaanermut Isumaginninnermullu Naalakkersuisoqarfimmi naalakkersuisoqarfiup pisortaatut atorfimmik neqeroorfigineqassasoq. Julie Præst Wilche Ilaqutariinnermut, Naligiissitaanermut Isumaginninnermullu Naalakkersuisoqarfimmi ulloq 24. august 2015 atorfinissaaq.

Julie Præst Wilche Nunatsinni pisortani sivisuumik sulisimavoq, taakkununnga ilanngullugit Peqqinnissaqarfimmi pisortatut atorfiit arlallit kiisalu Namminersorlutik Oqartussat Qitiusumik Allaffeqarfianni atorfigisimallugit. Julie Præst Wilche ukioq manna februaarip qaammataanili Ilaqutariinnermut, Naligiissitaanermut Isumaginninnermullu Naalakkersuisoqarfimmi naalakkersuisoqarfiup pisortaatut atorfeqarallarsimavoq.

Naalakkersuisoq Martha Lund Olsen oqarpoq:
"Julie Præst Wilchep ukiup affaata kingulliup ingerlanerani naalakkersuisoqarfinni aqutsinermik naammagisimaarnartumik ingerlatsisimanerminut ilutigitillugu Peqqissutsimik Naalakkersuisoqarfimmik aqutsinermik isumaginnissimasup suleqatiginissaa qilanaaraara. Manngaarissumik misilittagaqarnermi saniatigut Julie Præst Wilche aqutsinermi pitsaasorujussuarnik naalakkersuisoqarfiup aqunneqarneranut anguniakkanillu piviusunngortitsinissamut atatillugu atorneqarsinnaasunik piginnaasaqarpoq sulianillu pitsaasumik ataatsimut isiginnissinnaassuseqarluni.”

Ilaqutariinnermut, Naligiissitaanermut Isumaginninnermullu Naalakkersuisoqarfimmi naalakkersuisoqarfiup pisortaatut atorfimmut tallimanik qinnuteqartoqarsimavoq.

Nuuk, ulloq 20. august 2015
Naalakkersuisut Siulittaasuata Naalakkersuisoqarfia