KNI ajunngilluinnartumik angusaqartoq

Ataasinngornermi 17. august 2015-imi nal. 12.00 KNI A/S-imi ileqquusumik ataatsimeersuartoqarpoq. Ukiumoortumik nalunaarusiaq kingulleq oqaluuserisassanut ilaatigut ilanngunneqarpoq.

KNI 2014-imi akileraarutit ilanngaatigereerlugit 58 mio. kr.-inik sinneqartooruteqarpoq. Inernerit kaaviiaartitsinerulernermik sulisorisanullu aningaasartuutikinnerulernermik sunniuteqarput. Taakkuli ilaatigut aningaasaliisarnikkut aningaasartuuteqarnerulernermik aningaasaqarnikkullu isertitakinnerulernermik taarteqartinneqarput Ataatsimulli isigalugu ineriartorneq akileraarutit ilanngaatigereerlugit ukiumut angusanut ajunngitsumik kinguneqartitsipput.

Tamatuma saniatigut ataatsimeersuarnermi 30 mio. kr.-inik iluanaaruteqartoqarnera isumaqatigiissutigineqarpoq.

Naalakkersuisut siulittaasuat ataatsimeersuarnermi imaattunik oqaaseqarpoq:

”Puigortariaqanngilarput ukioq ingerlatseqatigiiffiup oqaluttuarisaaneranik nalaanneqarmat, KGH-p 1774-imi pilersinneqarneraniit 2014-imi ukiunik 240-nik nalliuttorsiorneq nalliussineqarmat. 1986-imi Namminersornerullutik Oqartussanut ingerlatsinermik tunniussisoqarnerata kingorna annertuumik ineriartorneqarsimavoq, tamatumani ingerlatseqatigiiffiup taamanikkut immikkoortortaqarfii namminersortutut ingerlatseqatigiiffinngortinneqarmata. Taamaalilluni Namminersorlutik Oqartussat ingerlatseqatigiiffii ullumikkut pigineqartut taamanikkut KGH-iusumit pilersiortorneqarput.”

Sukumiinerusumik attaveqarfissaq: govsec@nanoq.gl