Karl-Kristian Kruse: Oqaatsikka kukkusumik issuarneqarput

Oqaatsit isumaqataavoq aamma naapertuuppoq assigiinngissuseqarput.

- Ajuusaarpunga ullumi, aggustip 14-anni ulloqeqqanut qallunaatut radioavisimi ilanngutassiami “Aalisartut amerliartornerat kingunerlutsitsissaaq”-mi kukkusumik issuarneqarama,  Aalisarnermut, Piniarnermut Nunalerinermullu Naalakkersuisoq, Karl-Kristian Kruse oqarpoq.

Qallunaatut ilanngutassiami oqartinneragaavunga: Kruse erseqqissaavoq aningaasanut inatsisissamut isumaqataanngilluinnarpoq”.

- Isumaqarpunga aningaasanut inatsisissamut isumaqataanngilluinnarnanga. Isumaqarpungali erseqqissagassaq tassaasoq aningaasanut inatsisissaq maannakkut aalisarnermut pissutsinut naapertuutinngitsortaqartoq, Aalisarnermut, Piniarnermut Nunalerinermullu Naalakkersuisoq erseqqissaavoq.

 Aningaasanut inatsisissatut siunnersuummi ilaatigut ima allassimasoqarpoq: “ Aalisarsinnaasut amerliartornerat ilutigalugu sinerissamut qanittumi saarullinniarnerup qaleralinniarnerullu akilersinnaassusaat nakkariartussaaq, tamannalu taamaattumik inuiaqatigiit sinerissamut qanittumi aalisarnermit iluanaarutissaannut ajortumik kinguneqassaaq”.

-Isumaqarpunga aalisarsinnaasut amerliartornerat ilutigalugu sinerissamut qanittumi aalisarnerup akilersinnaassusaa ukiut arlallit aatsaat qaangiuppata nakkariasinnaassasoq, taamaattumik qallunaatut radioavisimi aningaasanut inatsisissamut isumaqataannginneragaallunga issuaanerat kukkusuuvoq, oqaaserli tassaasariaqaraluarluni aalisarnermut pissutsinut maannakkut naapertuutinngitsoq, Karl-Kristian Kruse oqarpoq.

Naalakkersuisuni ilaasortaq isumaqarpoq tusagassiuutitigut saqqummiussat, qallunaatuujuppata kalaallisuujuppataluunniit, assigiimmik tamatigut saqqummiunneqartariaqartut.

 

Attavigineqarsinnaavoq: Aalisarnermut, Piniarnermut Nunalerinermullu Naalakkersuisoqarfimmi pisortaq, Jørgen Isak Olsen. Mail: jio@nanoq.gl.