Kapisilittatit nalunaarutigissavatit

Aqagumi, arfininngornermi aggustip 15-iannit kapisilinniartut, inuussutissarsiutigalugu aalisartuugunik sunngiffimmiluunniit aalisartuuguni, pisatik pinngitsuunngivillugit nalunaarutigisussaavaat. Kapisillit qassutinik, qarsorsanik qissataatinilluunniit pisaappata tamaasa nalunaarutigisussaallugit.

Qassusiareersimanerit tamaasa pisatik nalunaarutigisassavaat. Kapisilittarineqartut  Kalaallit Nunaanni Aalisarsinnaanermut Akuersissutinik Nakkutilliisoqarfimmut, KANUAANA-mut allakkatigut nalunaarutigisassavaat, faxikkulluunniit qarasaasiakkulluunniit GFLK@nanoq.gl –mut nalunaarutigisassallugit.

Pingaaruteqarluinnarpoq kapisilittarineqartut tamaviisa nalunaarutigineqarsimanissaat, tamanna siunissami kapisilinniartarnissamut pingaaruteqarluinnartuummat.

Inuussutissarsiutigalugu aalisartut namminneq nerisassaminnik aamma kalaalimineerniarfinni, suliffeqarfinnut, akunnittarfinnut allanullu tunisassaminnik kapisilinniarsinnaapput. Inuussutissarsiutigalugu aalisartut tamarmik aalisarsinnaanermut akuersissuteqassapput.

Sunngiffimmi aalisartut namminneq nerisassaminnik kapisilinniarsinnaapput. Sunngiffimmi aalisartut aalisarsinnaanermut akuersissuteqarnissaannik maannakkut piumasaqartoqanngilaq, tamannali aappagu piumasaqaataalissaaq.

Inuussutissarsiutigalugu aalisartut  sunngiffimmilu aalisartut ukioq manna kapisilittassaat 45 tonsiupput.

Uani linkimi imersugassaq immersoriarlugu GFLK@nanoq.gl- mut nassiuttassavaat.

 

Attavigineqarsinnaavoq: Aalisarnermut, Piniarnermut Nunalerinermullu Naalakkersuisoqarfimmi immikkoortortaqarfimmi pisortaq. E-mail: emanuel@nanoq.gl