Anda Uldumip Lars Rohde ataatsimeeqatigaa

Anda Uldumip Lars Rohde, Danmarks nationalbank-ip pisortaa, aamma pisortatut suleqataa Hugo Frey Jensen ataatsimeeqatigai.

Ataatsimiinnerup annertunerpaartaani aningaasaqarnermut tunngassutillit oqaluuserineqarput. Minnerunngitsumik sammisat soorlu ataqatigiissumik aningaasanut politikkimik ingerlatsinissaq, tassungalu atatillugu sooq missingersuutinut inatsit ingerlatsinermut atortutsialaanersoq. Saniatigut eqqartorneqarpoq, inuussutissarsiummik ataasiinnarmik pinngitsuuisinnaannginnerput pissutaalluni aningaasaqarnitta eqqugaasinnaanera.

”Aningaasaqarnermut pissutsinik aamma nunani tamalaani pisunik ilisimasaqarluinnarmata, siunissami atugarissaarnerput qaffasitsiinnarusukkutsigut aaqqissuusseqqinnerit atorlugit ingerlaannarnissatta pingaaruteqassusaanik, isumaliutaat tusarlugit soqutiginarpoq”, Anda Uldum, Aningaasaqarnermut Aatsitassanullu Naalakkersuisoq taama oqarpoq.

 

Inussiarnersumik inuulluaqqusillunga

Med venlig hilsen

Anda Uldum, Aningaasaqarnermut Aatsitassanullu Naalakkersuisoq

 

 

 

Paasissutissat annertunerusut: Tusagassiinermi ataqatigiissaarisoq, Martin Christiansen attaveqarfigiuk, mobil: 221533