Anda Uldumip Stine Bosse ataatsimeeqatigaa

Anda Uldumip Stine Bosse sillimmasiisarfimmi Tryg-imi pisortaanerusimasoq maannakkut ilaatigut Tele Greenland-imi Nunaoil-imilu siulersuisuni siulittaasuusoq ataatsimeeqatigaa. Ataatsimiinnermi sammisat amerlasuut sammineqarput, ilaatigut nunatta aningaasaqarnikkut ineriartornera, aatsitassarsiornermut tunngasut minnerunngitsumillu peqqinnissaqarfimmi ilinniarfeqarfimmilu digitalinngorsaanerup annertusarnerata ilippanaatai annertuut. Tulliullugu, mittarfeqarfiit aaqqissugaanerat aningaasaliinikkut ullutsinnut tulluussarnerani, takornariaqarneq atatitsisumik inuussutissarsiutinngussallugu periarfissat, taakkumalu aningaasalertinnissaannut isumaliutiginninnerit.

”Stine Bosse aningaasaqarnerup iluani misigisartuujuvoq attaveqarfippassuaqarlunilu. Taamaattumik inuaqatigiit aningaasaqarnerat qanoq ililluta ineriartortissinnaaneripput isumaliutai tusarlugit soqutiginarpoq”, Anda Uldum, Aningaasaqarnermut Aatsitassanullu Naalakkersuisoq taama oqarpoq.

Inussiarnersumik inuulluaqqusillunga
Med venlig hilsen
Anda Uldum, Aningaasaqarnermut Aatsitassanullu Naalakkersuisoq



Paasissutissat annertunerusut: Tusagassiinermi ataqatigiissaarisoq, Martin Christiansen attaveqarfigiuk, mobil: 221533