Ataatsimoorluta suliniuteqarnitsigut nunarput tamakkerlugu kommunefogedeqalersinnaavugut

nunaqarfik

Ullumikkut nunaqarfinni 17-ini komunefoged-eqanngilaq. Pinngortitamut, Avatangiisinut Inatsisinillu Atuutsitsinermut Naalakkersuisup Mala Høy Kúko-p unammilligassap taassuma iluarsiivigineqarnissaa pillugu politiit ingerlaavartumik oqaloqatigisarpai.
”Kommunefogedit eqqissisimatitsinissamut torersaartitsinissamullu aammalu innuttaaqatinik paarsilluarsinnaanissamut tunngatillugu inuiaqatigiinni pingaaruteqartumik atuuffeqarput. Taamaattumik nunarput tamakkerlugu kommunefogedeqalernissaq pingaaruteqarpoq. Tamatuma juunip qaammataani politiini pisortat ataatsimeeqatigineranni oqaloqatigiissutiginissaanut periarfissaqarsimavunga, aammalu suliassaqarfik politiit aallukkaat ilisimaaraara”, oqarpoq Naalakkersuisoq Mala Høy Kúko.
”Nunarput tamakkerlugu, kommunefogedi ikiuussinnaanissaminut eqqannguaminiittoq nalunagu, innuttaasut tamarmik unnuakkut toqqissisimallutik sinissinnaanissaasa isumagineqarnissaa ataatsimoorluta unammilligassarigipput isumaqarpunga. Ataatsimoorluta ikioqatigiinnitsigut atorfiit tamaasa inuttalersinnaagivut qularinngilara, aammalu inuit pikkorissut piukkunnartullu, qanitaminni inuiaqatigiinni ikiuunnissamik takorluugaqartut, kommunefoged-tut atorfinnut inuttaqanngitsunut qinnuteqaqqullugit kaammattorusuppakka” oqarpoq Naalakkersuisoq Mala Høy Kúko.
Kommunefoged-nngorusullutit eqqarsaateqaruit, politiinut saaffiginnissinnaavutit aammalu periarfissat pillugit taakkua oqaloqatigisinnaallugit.

Apeqqutissaqaruit attaveqarfigissavat immikkoortortaqarfimmi pisortaagallartoq Pernille Møller oqarasuaammut 532642.