2011-miit 2013-imut Kalaallit Nunaanni erngup imigassap pitsaassusia pillugu nalunaarusiaq

Nakkutilliinermut misissuisarnermullu akisussaaffik oqartussaasut assigiinngitsut tallimat akornanni avitaavoq: Peqqinnissamut, Nersutit Nakorsaqarnermut Avatangiisinullu suliassaqarfiit qitiusumik oqartussaasuupput. Aamma peqqinnissamut suliassaqarfik siammasissunik oqartussaaffeqarpoq (tappiorannartunik akoqassusermik misissugassanik katersuisarpoq) Nakorsaaneqarfillu siunnersuisartutut oqartussaasuulluni. 2011-miit 13-imut erngup imigassap pitsaassusia pillugu nalunaarusiap takutippaa, pisortat imeqarfinnik nakkutilliinerisa pitsanngortinneqarnissaa pisariaqartoq. Misissugassanik katersuisarnermi pilersaarutit aalajangersarneqartut naammaginartumik malinneqarsimanngillat. Taamaallaat 2013-imi malikannerneqarsimapput, tassanilu takutinneqarpoq, bakteriaqassutsimik misissukkat ima ajortigisimasut, allaat imeqarfiit pingajorarterutingajaanni imermik qalaassinissaq inassutigineqartariaqarsimalluni. Aamma paasineqarpoq, akuttunngitsumik ajornartorsiutinik aaqqiiniartarneq sivisusartoq. Nunaqarfinnik ukiuni arlalinni qalaassinissamik innersuussiviusunik assersuutissaqarpoq.

Nalunaarusiaq pitsannguutissanut, erngup pitsaassusiata pitsaanerusumik misissorneqartarnissaanik pitsaassuseqalernissaanillu kinguneqartussanut  siunnersuutinik arlalinnik inerneqarpoq.

Rapport