Nuup Kangerluani umimmaat piniaqqusaanngillat

Nuup Kangerluani tuttunniarneq augustip aallaqqaataaniit ingerlasussamut atatillugu Nuup Kangerluani umimmaat eqqissisimatitaalluinnarnerat matumuuna Aalisarnermut Piniarnermut Nunalerinermullu Naalakkersuisoqarfimmiit (APNN) nalunaarutigineqassaaq.

Nuup Kangerluani umimmanik misissuineq aallartereerpoq piffissamilu aggersumi ingerlagallassalluni. Tuttunniarnermi umimmaat takuneqartut taamaalillutik piniaqqusaanngillat allatigulluunniit akornusersorneqaqqusaanatik. Nuup Kangerluani tuttunniarnermi umimmaat takuneqartut APNN-mut nalunaarutigineqassapput taamatullu nalunaaruteqarnermi umimmaat qassit sumilu takuneqarnerat ilanngunneqassalluni. Umimmaat taamatut nalunaarutigineqartut umimmanik misissuinermut umimmaallu pillugit pilersaarusiornermut ilanngunneqarumaarput.

Nuup Kangerluani tuttunniarnermi umimmanik inatsisinik unioqqutitsilluni pisaqartoqarsimaneranik imaluunniit umimmanniartoqarsimaneranik ilisimasaqaraanni paasisaqaraanniluunniit aammattaaq APNN-mut nalunaaru-tigineqassaaq.

Paasissutissanik sukumiinerusunik pissarsiniarnermi imaluunniit nalunaaruteqarniaraanni immikkoortortaqarfimmi pisortaagallartoq Nuka Møller Lund, tlf. 345345, numl@nanoq.gl, saaffigineqarsinnaavoq.