Annikitsumik aatsitassarsiornissamut akuersissutinut ammaanneqarput

Sumiiffiit marluk Qeqertarsuatsiaat eqqaanniittut annikitsumik aatsitassarsiornissamut akuersissutinut ammaanneqarput

Kalaallit Nunaanni annikitsumik aatsitassarsiorluti misissuinissamut soqutiginnikkuit nuannersumik nutaarsiassaqarpoq.

Tassami sumiiffiit Qeqertarsuatsiaat eqqaanniittut marluk ullumi Naalakkersuisut ammaassivigaat, tassani nunaqavissut ujaqqanik erlinnartunik ujarlernissamut annikitsumik aatsitassarsiorluni misissuinissamut akuersissummik qinnuteqarnissamut periarfissaqarlutik.

Sumiiffiit marluk taakkua De to områder er på henholdsvis 112 km2-isut aamma 135 km2-isut annertussuseqarput aammalu ingerlatseqatigiiffinnit aatsitassarsiorlutik misissuisartuniinngitsoq, taamaallaat nunaqavissunit qinnuteqaatigineqarsinnaallutik.

Sumiiffiit maannamut aatsitassarsiorluni misissuinissamut piiaanissamullu matoqqatinneqarsimapput. Taakkua maannakkut ammaanneqarput, pissutigalugu Aatsitassanut Ikummatissanullu Naalakkersuisoqarfiup De Nationale Geologiske Undersøgelser for Danmark og Grønland (GEUS) suleqatigalugu sumiiffiit annikitsumik aatsitassarsiornermik ingerlatsivigineqartussatut naleqquttut paasisimammagu aammalu sumiiffinni rubineqarfiit sumiissusersisimallugit. Sumiissusersiineq GEUS-ip nittartagaani takuneqarsinnaavoq uani Nuuk Region (63°30'-66°N) , taannalu link una aqqutigalugu nassaarineqarsinnaavoq: http://www.geus.dk/gmom/gmom-uk.htm

Ullumimiit qinnuteqaat Aatsitassanut Ikummatissanullu Naalakkersusoqarfimmut nassiunneqarsinnaavoq aammalu qinnuteqaatit 31. august 2015 tikillugu ingerlaavartumik suliarineqartassallutik. Qinnuteqaatit tamarmik ulloq 31. august 2015 sioqqullugu nassiunneqartut, piffissamut qinnuteqaateqarfiusumut naleqqiullugu assigiimmik suliarineqassapput. Ulloq 31. juli imaluunniit ulloq 15. august qinnuteqarsimanersutit apeqqutaanngilaq. Piffissami tassani qinnuteqaatinik sumiiffimmut ataatsimut qalleraaffiusunik tigusaqartoqarpat, qinnuteqaatit arlaat pitsaanerunersut Aatsitassanut Ikummatissanullu Aqutsisoqarfiup nalilissavaa.

Ammaassineq suliniutinut Kalaallit Nunaanni ujaqqanut pinnersaasiassanut inuussutissarsiuteqarnermik ineriartortitsinissamut inuiaqatigiinni periarfissat pillugit nassuiaammi nassuiarneqartunut ilaavoq. Nassuiaammi ilaatigut Kalaallit Nunaanni ujaqqanik pinnersaasiassanik tunisassiornerup ineriartortinneqarnissaa sammineqarpoq aammalu Aatsitassanut Naalakkersuisup aamma Inuussutissarsiornermut, Niuernermut Suliffeqarnermullu Naalakkersuisup suliniuteqarneratigut suliarineqarluni. Aallartinneqartut suliniutillu taakkua nassuiaammi saqqummiunneqartut pillugit, Namminersorlutik Oqartussat nittartagaanni tusarniaanernut Toqqorsiviup ataani, annertunerusumik atuarsinnaavutit.

Sumiiffiit suut pineqarnersut nunap assingani matuma kingulianiittumi takuneqarsinnaavoq. Sumiiffiit titarnilersugaapput aammalu sumiiffiit taamaallaat nunaqavissunit qinnuteqarfigineqarsinnaasut takutitsilluni. Sumiiffiit pisinnaatitsissutinut nunap assingani nalunaaqutserneqassapput uani www.govmin.gl



Nunap assingani qalipaatilersuutinut oqaasertaliussat anginerusunik allallugit matuma kinguliani erseqqissarneqarput:

Sumiiffinnut marlunnut taakkununnga nunap assingani sumiiffiit pissarsiarinissaat kissaatigigukku, Aatsitassanut Ikummatissanullu Aqutsisoqarfik attaveqarfigissavat uani mail: mlsa@nanoq.gl

Annertunerusumik paasisaqarusunnermi attaveqarfigineqarsinnaavoq:

Naalakkersuisoqarfimmi pisortaagallartoq Jørgen T. Hammeken-Holm: Tlf.nr.: +299 346 846