Kuummiut 100-iliininni pilluarit

Billede af det Grønlandske flag

Nunaqarfik Kuummiut Tasiilap eqqaaniittoq ullumikkut 100-iliilluni nalliuttorsiutigineqarpoq. Nalliuttorsiornermut peqataavoq Pinngortitamut, Avatangiisinut Inatsisinillu Atuutsitsinermut Naalakkersuisoq Mala Høy Kúko.

”Pinngortitamut Avatangiisinullu Naalakkersuisutut Kuummiut 100-iliilluni nalliuttorsiornerata malunnartinniarneranut peqataasinnaagama nuannaarutigeqaara, tassami Kuummiut immikkuullarissuuvoq nunaqarfiup pinngortitakkut kusanassusaa, aalisarnikkut periarfissaqarluarnera, nunaqarfimmiullu inussiarnersuunerat ajunngitsumillu sunniuteqartarnerat pissutaanerullutik,” Naalakkersuisoq Mala Høy Kúko oqarpoq.
Nalliuttorsiorneq ulloq naallugu nunaqarfimmi Kuummiuni malunnartinniarneqassaaq. Kuummiut 1915-imi ajoqersuiartorfittut tunngavilerneqarpoq. Siornagut inuit nunaqarfiat Tsiarngarmiit tassaniissimavoq. Nunaqarfik ullumikkut 400-t missaannik inoqarpoq. Ammassallup eqqaani aalisakkerivituaq Kuummiuniippoq.