Avaleraasartoorniarsinnaasut nalunaarsorsigit

Naalakkersuisoqarfik kommunenut: Avaleraasartoorniarsinnaasut nalunaarsorsigit

Naalakkkersuisoqarfimmiit kommuuninut kajumissaarut: Avaleraasartooniarsinnaasut nalunaarsorsigit.

Kommune Kujalleq kommunemi avaleraasartoorniarnermi aalisarsinnaasunik juunimi nalunaarsuisimavoq. Kommune taamaaliorpoq kilisaataatileqatigiit nalunaarmata avaleraasartoorniarnermi kalaallinik inuttaqartitsiniarneq ajornakusoornerarlugu.

Aalisarnermut, Piniarnermut Nunalerinermullu Naalakkersuisoqarfik isumaqarpoq Kommunip Kujalliup nalunaarsuisimanera isumassarsiatsialaasoq, kommunillu allat taamaaliornissaannik kajumissaarlugit.

- Isumaqarpugut Kommune Kujalleq ajunngilluinnartumik iliuuseqartoq, kommuunillu allat taamaaliornissaa kajumissaarutineqarput. Pingaaruteqarpoq kalaallit inuttat aalisakkanik ikerinnarsiortunik aalisarnermi ilinniartinneqarnissaat, aalisariaatsimi nutaajusumi suliffissanik nutaanik ukiuni tulliuttuni pilersitsiffiulluarsinnaasumi.
- Taamaattumik kommunit allat kajumissaarusuppagut avaleraasartoorniarsinnaasutut piukkunnaatillit nalunaarsussagaat, naalakkersuisoqarfimmi pisortaq Jørgen Isak Olsen oqarpoq.

Attavigineqarsinnaavoq Jóhanne Lava Køtlum, Aalisarnermut, Piniarnermut Nunalerinermullu Naalakkersuisoqarfimmi allaffimmi pisoqartaq. Mail: jool@nanoq.gl