Pituffik pillugu eqqartuussissuserisup misissuinera tunniunneqartoq

Naalakkersuisut Siulittaasuata Kim Kielsenip aamma Inuussutissarsiornermut, Niuernermut, Sulisoqarnermut Nunanullu Allanut Naalakkersuisup Vittus Qujaukitsup Pituffimmi sakkutooqarfiup suliarinnittussarsiorneqarnerani Namminersorlutik Oqartussat qanoq sulisimanerat pillugu misissuinissamut Naalakkersuisut eqqartuussissuserisumut Ole Spiermannimut 13. februar 2015-imi suliakkiissutaat tiguaat.

Dronningip uiatalu Kalaallit Nunaanni angalaneranni Naalakkersuisut Siulittaasuat angalaqataavoq 23. juli 2015-ip tungaanut Inuussutissarsiornermullu, Niuernermut Sulisoqarnermut, Nunanullu Allanut Naalakkersuisoq maanna sulinngiffeqarallarluni.

Naalakkersuisut Siulittaasuat aamma Inuussutissarsiornermut, Niuernermut, Sulisoqarnermut Nunanullu Allanut Naalakkersuisoq Naalakkersuisunut ilisimatitsereerunik nassuiaammi inerniliussat innersuussutillu tunngavigalugit qanoq iliuuseqartoqassaneranik aalajangiissapput.

Inatsiseqarnermut immikkoortortaqarfik, ulloq 13. juli 2015

Kim Blokbo
Inatsisilerinermut pisortaq