Meeqqat inuussuttullu hashimik atornerluinerat maluginiarneqarnera

-”Pineqartoq alianaraluartoq nuannaarutigaara meeqqat inuussuttullu hashimik atornerluinerat maluginiarneqarmat” oqarpoq Peqqissutsimut Naalakkersuisoq Doris Jakobsen. ”ajornartorsiut eqqumaffigisorujussuuara nuna tamakkerlugu hashimik atornerluinermik pinaveersaartitsineq pilersaarummi ilaatinneqarmat.”

Pilersaarut maannamut suliarinera suli ingerlanneqartoq siunnersuuteqarpoq qanoq ililluni hashimik atornerluineq pitsaaliorneqarsinnaasoq. Ilai aallartinneqareertut allat suli aallartinneqanngillat.

-”Siunissaq eqqarsaatigalugu anguniarusuppara neqeroorutinik suliniutinillu aallartittoqarnissaa soorlu atornerluisunik nassaarniarneq, siunnersuilluni oqaloqatiginninneq hashimik atornerluinermik pasitsaassaqarsimagaanni aammalu meeqqanut inuusuttunullu angerlarsimaffinni atornerluiffiusuni alliartortunut tapersiinissamik. Aamma atornerluinermik katsorsaasarneq eqqumaffigaarput ”Nuna tamakkerlugu pilersaarut siunissami katsorsaasarneq pillugu siunnersuut” aqqutigalugu siunissami pitsanngorsarniarparput oqarpoq Peqqissutsimut Naalakkersuisoq Doris Jakobsen.

- ”Kikkulluunniit atornerluisut neqeroorfigineqarsinnaasariaqarput aamma meeqqat inuusuttullu ilanngullugit. Tamanna anguniarlugu sulissutiginiarpara oqarpoq Doris Jakobsen nangillunilu: ”Nalunaarusiat marluk takkutilerput. Ataaseq tassaavoq misiutigalugu ilaqutariinnik atornerluisunik katsorsaaneq aappaalu aningaasaqarnikkut nalunaarusiaq tassani takutinneqarpoq Kalaallit Nunaanni atornerluineq inuiaqatigiinnut qanoq naleqartoq. Nalunaarusiaq marluullutik takutippaat atornerluineq ilaqutariinnut ataasiakkaanut inuiaqatigiinnullu qanoq ajoqutaatigisoq. Taamaammat neriuutigaara taakku oqallinnermik periarfissiiumaartut”.

Meeqqat inuusuttullu ikiussavavut tupamut hashimut imigassanullu aalakoornartulinnut naaggaarnissaannut. Tamanna tunuliaqutaralugu siorna pinerluttaalisitsilluni ataatsimiisitaliaq PiSiu suleqatigalugu aanngajaarniutinik atuinerup sunniutai kingunerilu pillugit paasissutissanik saqqummersitsigatta. Taakkua angajoqqaanut inuusuttunullu sammipput ilinniartitsinermilu atorneqarsinnaallutik.

Meeqqat inuusuttullu inuusaasiannut uagut inersimasuusugut ataatsimut isumarput meeqqat inuusuttullu aanngajaarniutinik tupamullu atuinermut periarfissaannut atuinerannullu aalajangiisorujussuusarpoq. Taamaammat Ilitsersuutinik angajoqqaanut, atuarfinni siulersuisunut, ilinniartitsisunut meeqqallu atuarfiini aqutsisunut inuusuttullu ilinniarfiini aanngajaarniutit pillugit politikkimik ineriartortitsisoqarsinnaasut saqqummersitsisimavugut.

Qaammarsaaneq qulequtalik: ”inuusuttuuneq pakkutsigu” meeqqat inuusuttullu peqqinnartumik inuunissaannut tapersersornis¬saannut inersimasut akisussaanerannik periarfissaannillu ersersitsivoq. Tassuuna anguniarneqarpoq tupamik aalakoornartumillu imigassamik hashimillu siusissukkut usseeqqarnerup meeqqat inuusuttullu akornanni pinaveersaartinnissaa.

Paasissutissanik allanik paasiniaaffigineqarsinnaavoq konsulent Lisa Christiansen oqarasuaat: +299 34 66 50 imaluunniit e-mail: lich@nanoq.gl imaluunniit nakorsatut siunnersorti konsulent Birgit Niclasen oqarasuaatikkut: +299 34 66 07 imaluunniit e-mail: bivn@nanoq.gl