Ataatsimoortumik tapiissutit pillugit isumaqatigiissuteqarput

Namminersorlutik Oqartussat KANUKOKA -lu 2016-imut ataatsimoortumik tapiissutit pillugit isumaqatigiissuteqarput

1.319.849.000 kr. Taamatut atsigisumik 2016-imi kommunit Namminersorlutik Oqartussanit ataatsimoortumik tapiissutisissapput. Illuatungeriit marluusut taamatut isumaqatigiissuteqarput. Namminersorlutik Oqartussanit kommuninut ataatsimoortumik tapiissutit aningaasartuutinut arlalinnut matussutaassapput – inatsisitigut pisussaaffigalugit aningaarsartuutinut soorlu ineqarnermut tapiissutinut aamma siusinaartumik pensionisianut innarluutilinnut aamma ulloq unnuarlu aningaasartuutinut.

Ataatsimoortumik soqutigisaqarfiusuni, sammisaqarfinnit tamani itinerusumik annertunerusumillu suleqatigiinniarlutik Namminersorlutik Oqartussat KANUKOKA-lu isumaqatigiipput. Ilaatigut pineqarput suliniutinut pitsaanerusumik ataqatigiissaareqatigiittarnissaq – aamma ataatsimoorussamik misissuinernik arlalinnik aallartitsinissaq, taamaalilluta aningasaatigut pitsaanerpaamik sunniuteqarluartumillu atorluarnerusinnaassavavut. Suliniutinut assersuutit tassaapput, meeqqat atuarfiata, inuusuttunut suliniutit, digitalinngorsaanerup, siusinaartumik pensionisianik aaqqissuusseqqinnerup immikkoortullu aningaasaleeqatigiffiusut nalilersorneqarnerisa malitseqartitsiffiginissaat.

"Naammagisimaarparput, ataatsimoorussamik tapiissutit pillugit isumaqatigiissuteqarnerput. Tamatuma kommuninut sisamaasunut ukiumut tullermut missingersuusiornissap pilersaarusiornissaq ajornannginnerulersissavaa”,  Anda Uldum, Aningaasaqarnermut Naalakkersuisoq, aamma Palle Jerimiassen, KANUKOKA-p siulittaasua, isumaqatigiillutik oqarput.

Namminersorlutik Oqartussat ilaatigut suliniutit arlallit meeqqallu atuarfiannik aaqqissuusseqqinneq, inuusuttunut tunngasunik suliniuteqarneq siusinaartumillu pensionisiat pillugit suliniutit aallartippaat, siunissami unammilligassanut ersiutaatinniarlugit, aaqqissuussaanermut tulluarsarnissaq siunertaralugu.   Matumani suleqatigiinnissaq immikkut pingaaruteqarpoq, pissutigalugu immikkoortunut taaneqartunut suliniutiginninneq kommunini pisussaammat. Atuarfiup angerlarsimaffiillu suleqatigiinnerat nukittorsarneqassappat kommunit meeqqanut atuarfiini tamanna pissaaq. Inuusuttut amerlanerusut ilinniarnissamut piareersimatinneqalissappata – imaluunniit siunissami siusinaartumik pensionisiaqalerumaartut eqaannerusumik sulilissappata, aap, kommunimi sulisut suliassamut tassunga siulersuisariaqassapput.

Taamaattumik pissusissamisoorluinnarpoq nunap kommuninik suleqateqarnerulernissap annertusarneqarnissaa, Anda Uldum oqarpoq:

”Sammisat taaneqartut nukittorsarneqarnissaat ataatsimoorullugu soqutigisaraarput, inuiaqatigiinni aaqqissussaanikkut ajornartorsiutit aaqqiiffiginiassagatsigit. Sammisat taaneqartut nukittorsarneqarnissaat ataatsimoorluta soqutigisaraarput, taamaalilluta inuiaqatigiinni aaqqissuussaanikkut ajornartorsiutit aaqqinniassagatsigit”.

KANUKOKA-p siulittaasua isumaqataavoq ilassuteqarlunilu:

”Kommunit aningaasaqarnerat ilungersunartorsiorpoq. Taamaattumik, nunami innuttaasut nuannaarutissinniarlugit – qanoq iliorluta pissutsit pitsaanerulersissinnaanerlugit paasiniarlugu nutaamik aqqutissarsiortariaqarpugut. Isumaqatigiissut ilorraap tungaanut alloriarneruvoq”.

 

Allaatiginnittut Anda Uldum, Aningaasaqarnermut Naalakkersuisoq

Palle Jerimiassen, KANUKOKA-p Siulittaasua

 

Paasisaqarnerorusuttut attavigisinnaavaat tusagassiortunik ataqatigiissaarisoq Martin Christiansen, oqarasuaat angallattagaq +299 22 15 33 imaluunniit e-mail mchr@nanoq.gl.