Kapisillit pillugit tusarniaanermut erseqqissaat

Kapisillit pillugit Aalisarnermut Siunnersuisoqatigiinnik tusarniaaneq pillugu erseqqissaat

KNR ulluni arlaqalersuni radioaviisikkut Qanoruukkullu saqqummiuteqattaarpaa kapisillit pillugit Aalisarnermut Siunnersuisoqatigiinnik tusarniaaneq utertinneqarsimasoq.

Karl-Kristian Kruse oqaloqatigereerlugu naalakkersuisoqarfik sinnerlugu erseqqissaassutigissavara Aalisarnermut Siunnersuisoqatigiinnik tusarniaaneq naammassimmat tamatumalu kingunerisaanik Naalakkersuisut isummernissaannut tunngavissamik suliaqartoqarmat tusarniaanermi akissutigineqartut tunngavigalugit. Taamaattumik KNR-ip nalunaarutaa Karl-Kristian Kruse-miit tusarniaaneq utertinneqarsimasoq eqqunngilaq.

 

Inussiarnersumik inuulluaqqusillunga

Jørgen Isak Olsen
Naalakkersuisoqarfimmi Pisortaq