Avaleraasartoorniarnissamik qinnuteqaatinik allaffissornikkut ingerlatsineq pillugu misissuisitsineq

Naggasiutigalugu ilisimatitsissutigisinnaavara Aalisarnermut, Piniarnermut Nu­na­leri­nermulu Naalakkersuisoqarfik nammineq suliniuteqarnermigut, avaleraa­sartoor­niarnissamik qinnuteqaatinik allaffissornikkut ingerlatsineq pillugu misissuisoqar­nissaanik ingerlatsisoqassasoq aalajangersimammat. Taamatut aalajanger­tariaqar­ner­mut peqqutaavoq avaleraasartoorniarnissamut agguaas­sinermut atatillugu uparuartuu­te­qarsimaneq.

Allaffissornikkut ingerlatsineq pillugu misissuinissaq allaffissornermi sinaakkutaasimasut pillugit allaffiup aallaavigisimasai, aammalu Naalakkersuisoqarfiup inatsisit atuutsinneqartut aamma pisortat allaffeqarfiini ingerlatsinissaq eqqortoq periusaasussaq malitsissimanerai qulakkiissallugu. Misissuinermut suliaqartitsineq naammas­sineqassaaq septembarip qiteqqunnerani 2015. Misissuititsineq Namminer­sorlutik Oqartussat avataanit misissuisartuanit innuttaasut sinniisuattut sulia­rineqassaaq, tassunga atatillugu misissuinermut inatsisit aalajangersagaasut naa­pertorlugit ingerlanneqarluni, tassa imaappoq arlaannaannulluunniit attuumas­suteqanngitsumik aallaaveqartumik misissuititsineq pineqarluni. Nalunaarusiaq Inatsisartut Kukkunersiuinermut Ataatsimiititaliaanut aamma Inatsisartut Aali­sar­nermut, Piniarnermut Nunalerinermullu Ataatsimiititaliaanut ilisimatit­sis­sutitut nassiunneqarumaarpoq.

Annertunerusumik paasisaqarusunnermi saaffissaq Jørgen Isak Olsen oqarasuaat + 299 34 50 00