2015-mi 2016-milu ukiuunerani piffissaliussat piniarfiusussat tuttutassiissutit umimmattassiissutillu.
Matumuuna 2015-mi ukiuuneranilu 2016-mi piffissaliussat piniarfiusussat, tuttutassiissutit kiisalu umimmattassiissutit APNN-miit nalunaarutigineqarput.
Tuttut
|
1.
|
Piniarfinnut tamanut tunngasoq: Inuussutissarsiutigalugu tuttunniarneq sunngiffimmilu tuttunniarneq 1. augustimi aallartissaaq 15. oktoberi ilanngullugu ingerlassalluni. |
|
2.
|
(Qeqertarsuatsiaat), Piniarfik 6 (Qassit) kiisalu Piniarfik 7 (Neria): Piniarfinni pineqartuni tamani tuttunik 100-nik ukiuunerani inuussutissarsiutigalugu tuttunniarnissamut sapaatip akunnerini pingasuni ingerlanneqartussamut pisassiisoqarpoq. |
|
3.
|
Piniarfik 8 ( Nuussuaq): Ukiuunerani inuussutissarsiutigalugu tuttunniarnissamut sapaatip akunnerini pingasuni ingerlanneqartussamut tuttunik 150-nik pisassiisoqarpoq. |
|
4.
|
Piniarfik 9 aamma 10 (Kangerluarsorujuk, Nuna Prudhoe kiisalu Nuna Inglefield): Allannguutaasinnaasut ukiukkullu piffissami nunaminertamilu killilikkami tuttunniarneq piniartut kommunillu akornanni eqqartorneqarsinnaapput. |
Tunngavilersuutit:
Piniarfimmi 1-mi, Piniarfik 4-mi, Piniarfik 5-mi, Piniarfik 6-mi, Piniarfik 7-mi kiisalu Piniarfik 8-mi inuussutissarsiutigalugu piniartut ukiuunerani killilimmik tuttutassinneqarput. Piniarneq pillugu Siunnersuisoqatigiit siunnersuutaat malillugu Piniarfimmi 2-mi inuussutissarsiutigalugu piniartut ukiuunerani 100-nik tuttutassinneqarput. Biologinit inassutigineqaraluarpoq Piniarfik 8-mi taamaallaat ukiuunerani tuttunniarniartoqassasoq.
Erseqqissaatigineqarpoq qamuteralaat, ATV-t kiisalu qamutit motoorinik ingerlatillit allat tuttunik malersuinermi piniutigissallugilluunniit inerteqqutaammat.
Umimmaat
|
5.
|
Aqutsiveqarfik Maniitsoq: Piniarfik 2-mi Kangerlussuup kujataata-kangianiittumi ukiuunerani inuussutissarsiutigalugu umimmanniarnerup maannakkut matoqqatinneqarallartup ammaqqinnissaa pillugu kissaatigineqartoq pillugu ukiuunerani umimmanniarnissaq qanilleriarpat misissuisoqarumaarpoq. Piniarfik 3-mi ukiuunerani 2016-mi inuussutissarsiutigalugu umimmanniarneq 10. januarimi aallartissaaq 10. martsi ilanngullugu ingerlassalluni piffissaliussamilu tassani ukiuunerani sunngiffimmi umimmanniarneq Piniarfik 1-mi periarfissaassalluni. |
| 6. |
Sigguk: Umimmattassiissutit ilaneqarput taamaalillutik 100-nngorlutik. |
7.
|
Ittoqqortoormiit: Umimmanniarnissamut piffissaliussat ataatsimik ilaneqarput – 10. novemberimiit 10. decemberip tungaanut. |
|
8.
|
Ivittuut umimmaqarfiani: Inuussutissarsiutigalugu piniartut Kujallermeersut, Nuuk/Paamiut-meersut kiisalu Arsummeersut ukiaanerani umimmanniarnissamut immikkut piffissaliussaqassapput sunngiffimmilu piniartut aamma immikkut piffissaliussaqassallutik. Angutivissanik imaluunniit arnavissanik amerlavallaanik pisaqartoqartarnera pillugu ajornartorsiutip aaqqinnissaanut immikkut suiaassusilikkanik umimmanniarneq ingerlateqqinneqassaaq. |
Tunngavilersuutit:
Kangerlussuup eqqaani Piniarfik 2-mi inuussutissarsiutigalugu sunngiffimmilu umimmanniarneq matoqqatinneqarallarpoq pissutigalugu umimmaat piniarfimmut pineqartumut uteqqinnissaat anguniarneqarmat. Piniarneq pillugu Siunnersuisoqatigiit aamma Uummannami KNAPP-p siunnersuutaat malillugu Siggummi umimmattassiissutit ilaneqarput. Kommuneqarfik Sermersuup siunnersuutaa malillugu Ittoqqortoormiini umimmanniarnissamut piffissaliussat ataatsimik ilaneqarput.
Erseqqissaatigineqarpoq qamuteralaat, ATV-t kiisalu qamutit motoorinik ingerlatillit allat umimmannik malersuinermi piniutigissallugilluunniit inerteqqutaammat. Qamuteralaat, ATV-t kiisalu qulimiguullit atorlugit umimmannik ungoorinissaq APNN-imut qinnutigineqarsinnaavoq.
Paasissutissat annertunerusut pissarsiarineqarsinnaapput uani:
Amalie Jessen
amalie@nanoq.gl
Tlf. 55 33 42
Ilanngussaq 1:
Nunap immikkoortuini piniarnissamut piffissat pisassiissutillu.
Ilanngussaq 2:
Ukiuni siuliini tuttut umimmaallu pisarineqarsimasut PINIARNEQ-mi immersugassaq atorlugu nalunaarutigineqartut.
Ilanngussaq 3:
Kalaallit Nunaata kitaani 2014-mi 2015-milu ukiuunerani tuttunik Piniarfik 1-11.
Ilanngussaq 4:
Kalaallit Nunaanni 2014-mi 2015-milu ukiuunerani umimmaqatigiit.
Ilanngussaq 5:
Maniitsup aqutsiveqarfiani umimmannik Piniarfik 1, 2 aamma 3.
Ilanngussaq 6:
Pinngortitaleriffimmiit siunnersuineq.
Ilanngussaq 7:
Tusarniutigineqarnerani akissutigineqartut naalisarlugit.