Ilinniarnertuunngorniarfimmit, GUX-imi ilinniarnertuut

Marlunngorneq 30. juni GUX-Sisimiuni, nunatsinni ilinniarnertuunngorniarfinnit kingulliulluni, ilinniartut nutaat allagartartaartinneqassapput. Nuna tamakkerlugu katillugit 298-it ukiuni pingasuni ilinniarnertuunngorniarnermi GUX-imi ilinniartutut siullertut imminnut taasinnaalerput. Tassa ukioq manna ilinniartut ilinniarnertuunngorniarfiup 2012-imi iluarsartuuffigeqqinnerata kingorna naammassisut siulliummata, tassani ilinniarnertuunngorniarnerit siornatigut taaguuteqartut GU/HHX/HTX-imit GUX-imik taaneqartalerlutik.

Ilinniarnertuutut naammassisut 298-it saniatigut inersimasunut ilinniarnertuunngorniarfimmi ilinniarnissamut ukioq ataaseq piareersarlutik pikkorissartut katillugit 57-it ukioq manna naammassipput.

Ilinniarnermik naammassisut ukioq manna imatut agguarneqarput:

GUX Aasiaat
GUX-imi ilinniarnertuut: 79
Ilinniarnissamut piareersarlutik pikkorissartut: 23

GUX Sisimiut
GUX-imi ilinniarnertuut: 70

GUX Nuuk
GUX-imi ilinniarnertuut: 87
Ilinniarnissamut piareersarlutik pikkorissartut: 34

GUX Qaqortoq
GUX-imi ilinniarnertuut: 63

Ilinniarnermik naammassisut ingerlaqqilluni ilinniarnissamut periarfissiisumik ilinniarnissamut piareersarlutik maannakkut ilinniakkaminnik naammassisaqarput. Ilinniarnermik naammassisut, ilaqutaat ilinniarfiillu inuussutissarsiornermi ilinniarnissamut namminneq inuiaqatigiillu pitsaanerusumik qularnaannerusumillu siunissaqarnissamut siullermik alloriarnerannik pilluaqqungaarpagut.

GUX pillugu annertunerusumik paasisaqarusukkuit takujuk:


Inussiarnersumik inuulluaqqusillunga
Jesper V. Nielsen
Ilinniartitaanermut, Kultureqarnermut, Ilisimatusarnermut Ilageeqarnermullu Naalakkersuisoqarfik
jvni@nanoq.gl
Toqq/direkte 34 56 23